ద్విపదభాగవత - జగదభిరక్షణ కాండ : పౌండ్రకుఁడు హరినిఁదాఁకుట
బహుదళంబులతోడఁ బౌండ్రుఁ డేతేర
3-4 నహిమాంశు సమతేజుఁడగు వెన్నుఁడెఱిఁగి
పరఁగు సారథ్యదర్పంబు మెఱయఁగ
దేరెక్కి శస్త్రాస్త్రదీప్తులు నొలయఁ
బాంచజన్యధ్వని పరిపంథి సేనఁ
జంచలించఁగ వచ్చు శౌరిపై నడరి
పరిఘతోమరగదా ప్రాసచక్రములుఁ
గురిసిన, మురవైరి క్రూరబాణములు -160
నడవులనేర్చు కాలాగ్ని చందమునఁ
దొడరి సేనలనెల్ల ద్రుంచివైచుటయుఁ
గనుఁగవ కెంపొందఁ గడఁగి పౌండ్రుండు
తనసేనఁ బురిగొల్పి దళములఁ దాకె.
కృత్రిమ చక్రంబుఁ గినిసి వైచుటయుఁ
శత్రుఁడు బెగడ నాచక్రంబు నఱికె;
గదయును విల్లును ఖండించి తేరు
3-5 చిదురుపలుగఁ జేసి 3-6 సిడముఁ ద్రుంచుటయు
బఱిగొని వాలును బలుకయుఁ గొనుచు
నఱిముఱి నార్చుచు నరుదేరఁ జూచి
హరి శార్ఙ్గమున భల్లమరివొసి కంఠ
మరుదార లక్షించి యార్చి వైచుటయు
మకరకుండలరత్నమకుటంబు తోడఁ
బ్రకటోల్ముఖము భంగి పడియె తచ్ఛిరము.
కూలిన పౌండ్రుఁ గన్గొని సేనలెల్ల
నాలచందంబున నందంద పఱచె.
3-4 అహిమాంశుడు = సూర్యుడు
3-5 చిదురపుల = సూక్ష్మఖండముల
3-6 సిడము = ధ్వజము