పోతన తెలుగు భాగవతము

స్తుతులు స్తోత్రాలు : * సూత కృత స్తుతి (శ్రేయోదాయకం)

• Print
• Email
• Share on FaceBook
• Share on Twitter

  1
సకలగుణాతీతు, సర్వజ్ఞు, సర్వేశు,-
  నఖిలలోకాధారు, నాదిదేవుఁ,
బరమదయారసోద్భాసితుఁ, ద్రిదశాభి,-
  వందిత పాదాబ్జు, వనధిశయను,
నాశ్రితమందారు, నాద్యంతశూన్యుని,-
  వేదాంతవేద్యుని, విశ్వమయునిఁ,
గౌస్తుభ శ్రీవత్స కమనీయవక్షుని,-
  శంఖ చక్ర గదాసి శార్ఙ్గధరుని,

  2
శోభనాకారుఁ, బీతాంబరాభిరాము,
రత్నరాజితమకుటవిభ్రాజమానుఁ,
బుండరీకాక్షు, మహనీయ పుణ్యదేహుఁ,
దలతు నుతియింతు దేవకీతనయు నెపుడు."

  3
ఇతి బమ్మెఱ పోతనామాత్య కృత శ్రీమత్తెలుగు భాగవత ద్వాదశ స్కంధ అంతర్గత సూత కృత స్తుతి (శ్రేయోదాయకం)