అనుయుక్తాలు- పారిభాషికపదాలు : చెట్ల భాగాలు
10.1-1601-ఉ. పద్యంలో చెప్పిన ఒక తోటలోని చెట్లు తీగల, భాగాల పేర్లు
- పురీవనంబులు = పట్టణపు ఉద్యానవనములందలి
- వృక్ష = చెట్లు
- లతా = తీగలు
- గంధములు = సువాసనలు
- కోరక = మొగ్గలు
- జాలక = పసరుమొగ్గలు
- స్తబక = పూలగుత్తులు
- కుట్మల = అర విరిసిన మొగ్గలు
- పుష్ప = పువ్వులు
- మరంద = మకరందము
- లతా = తీగలు
- ప్రకాండ = చెట్టుమొదళ్ళు
- విటప = కొమ్మలు
- ఛద = ఆకుల
- పల్లవ = చిగుళ్ళు
- వల్లరీ = పూచిన లేత కొమ్మలు
- శిఫా = ఊడలు
- పరాగ = పుప్పొడి
- మూల = వేళ్ళు
- ఫల = పండ్లు
10.1-1601-ఉ.
శ్రీరమణీయ గంధములఁ జెన్నువహించుఁ బురీవనంబులం
గోరక జాలకస్తబక కుట్మల పుష్పమరందపూర వి
స్ఫారలతా ప్రకాండ విటపచ్ఛద పల్లవవల్లరీ శిఫా
సారపరాగ మూల ఫల సంభృత వృక్షలతా విశేషముల్.