స్తుతులు స్తోత్రాలు : బ్రహ్మాది దేవతల నరనారాయణ స్తుతి (దయా ప్రదం)
1
"గగనస్థలిం దోఁచు గంధర్వనగరాది-
రూప భేదము లట్లు రూఢి మెఱసి
యే యాత్మయందేని యేపార మాయచే-
నీ విశ్వ మిటు రచియింపఁబడియె
నట్టి యాత్మప్రకాశార్థమై మునిరూప-
ముల ధర్ముగృహమునఁ బుట్టినట్టి
పరమపురుష! నీకుఁ బ్రణమిల్లెద; మదియుఁ-
గాక యీ సృష్టి దుష్కర్మవృత్తి
2
జరగనీకుండు కొఱకునై సత్త్వగుణము
చే సృజించిన మమ్మిట్లు శ్రీనివాస
మైన సరసీరుహప్రభ నపహసించు
నీ కృపాలోకనంబుల నెమ్మిఁ జూడు."
3
ఇతి బమ్మెఱ పోతనామాత్య కృత శ్రీమత్తెలుగు భాగవత చతుర్థ స్కంధ అంతర్గత బ్రహ్మాది దేవతల నరనారాయణ స్తుతి (దయా ప్రదం)