పోతన తెలుగు భాగవతము

ద్విపదభాగవతం - కల్యాణకాండ : చండికాగారము వదలి వచ్చుచు కృష్ణునిఁ గానక రుక్మిణి కలఁగుట

• Print
• Email
• Share on FaceBook
• Share on Twitter

జలజాక్షురామికిఁ జంచలంబందుఁ 
దలపోయు మార్గంబుఁ దప్పక చూచు
“నావల శుభలగ్న మాసన్నమాయె
నావిష్ణుఁ డేలకో యరుదేర తడసె! 
ఆవిప్రవరునితో నాడినమాట
నేవిధంబున తప్పఁడేలకో! ఇంక
నింతట హరిరాక యెడసేసెనేని
కంతుని పూనిక కడతేరకున్నె!”      140
అని విచారింపుచో నాసీరితోనఁ 
జనుదెంచి విమలభీషణవృత్తిఁ దోఁప
గరుడకేతనకాంతి గగనంబుగప్ప
నరదంబుపైఁ గృష్ణుఁ డడ్డంబు వచ్చి
కనియెఁ గోమలి నీలకచఁ గంబుకంఠిఁ
దనుమధ్య నుత్ఫుల్లతామరసాక్షి
నారూఢయవ్వన నమృతాంశుముఖిని
హారకంకణనూపురాలంకృతాంగి
నాదిమలక్ష్మిఁ గన్యాశిరోమణిని
వైదర్బిఁగని యదువరుఁడుత్సహించె.