ద్విపదభాగవతం - కల్యాణకాండ : రుక్మిణి గౌరీ ఆలయమునకు వెడలుట
గౌరికి మ్రొక్కింపఁ గరము సంప్రీతి
నారాజబింబాస్య నటతోడి తేరఁ
గలికి రాయంచల గతుల గీడ్వఱచుఁ
జెలువలు నలుగడఁ జెన్నారి కొలువ
పటహకాహళశంఖ ఫణవాదులొలయ
పటుతరంబగు వీరభటకోటి కొలువ
దేవతనగరికే తెమ్మన్న, శౌరి
కావార్త యెఱిఁగింప నవ్విప్రుఁ బంచె.
ఆమెలఁత నడక నరుదెంచె నప్పు
డేమనివర్ణింతు! ఇభపురాధీశ! 90
అడుగడుగిడుచోట నవనియంతయును
గడునొప్పు పద్మరాగశ్రీవహించు;
ఉచ్చిఁ తపండ్లతో నుల్లసంబాడు
నచ్చపలాక్షికి నంగుష్ఠచయము;
వదనఖద్యుతులనుపచరించు నెలవుఁ
గదియ మౌక్తికములుఁగట్టి నట్లుండు;
తనరు గచ్ఛపనిధిద్వయ మింతిపాద
వనజాతముల మీఁద వ్రాలెనో యనఁగ;
గమనజాడ్యము శుభాకరమును నగుచుఁ
గమనీయలీల మీఁగాళ్ళొప్పు సతికి;
పగడంపుఁదీగెలపంక్తులో యనఁగ
మగువకు నొప్పారు మడిమెల తీరు;
తరిసేయు మదనువుత్తళికలుఁ దమకు
నెరతనంబంచును నెరసులు పలుకుఁ
గనకకాహళకాంతిఁ గడచి చూపరకుఁ
గనుపట్టు కాంతజంఘలు దన్యమగుచు;
కదళికాయుగళంబు కటిభారమొప్ప
నదనవుఁ గరికరయమళంబు పసిఁడి
తొలచి ని(ల్పి)న భంగిఁ దొలుకాడు రుచులఁ
గలకంఠి కొప్పారుఁ గరభోరుయుగము; 100
వెడవిల్తుఁ గల్యాణ వేదికతోడఁ
దడఁబడు కొంత నితంబభారంబుఁ
గరశిరస్పర్ధియై కనకపుపెట్టె;
వరసైకతంబనా వలనొప్పు కటియు;
కటిసూత్రఘంటికా ఘనరత్నకాంతి
పటిమతోనొప్పారు పసిఁడిదువ్వలువ;
కామునికై పుత్రకామేష్టి వెల్వ
హోమగుండముభంగి నొప్పారునాభి
చలదలపల్లవసంకాశమగుచు
పలుచనై కనుపట్టు భామిని కడుపు;
అలమిన ముష్టిలోనడఁగి చూపరకు
కలదులేదను వాదుఁ గలిగించు నడుము;
ఆపూర్ణకుచవిహారాద్రులకిడిన
సోపానములభంగిఁ జూపట్టు వళులు;
హరినీలనాళంబులందుద్భవించు
గురుహేమసరసిజకోరకద్వయము
కరణి నూఁగారుపై ఘనకుచద్వయము
కరమొప్పుఁ జూడ నాకామినీమణికి;
పసిఁడి మించుల మించు పణఁతి కక్షములు;
బిసవల్లి కలయోజ బెరయు చేఁదోయి; 110
కెందమ్మిరేకుల గెలిచి కెంపొదవు
నందమై లేమకు నరచేతులమరు;
విద్రుమలతలతో నీడు దోఁగాడు
విద్రుమద్యుతి చేతివేళ్ళు పెంపొదవు;
కలువరేకుల మించుఁ గరనఖద్యుతులు;
పొలుచు శంఖముభంగిఁ బొలఁతికంఠంబు
జలజంబుఁ దెలివియుఁ జంద్రకాంతియును
జలజాస్య నెమ్మోము సరిసేయరాదు;
చెలువారు పగడంపుజిగురకో! బింబ
ఫలమకో! యననొప్పు బామకెమ్మోవి;
వెలఁది వెన్నెలనీట వెలసిన కుంజ
కళికెలో యననొప్పు కాంతపల్వరుస;
దరహాసచంద్రిక ధళధళ వెలుఁగు
కరిదంతరుచి మించు గండపాలికలు;
పొలుపైన పసిఁడతిల్పుష్పమో యనఁగ
నలినాక్షి కొప్పారు నాసావుటంబు;
చారు శ్రీవర్ణంబు సరినచ్చులొత్తి
చేరినయట్లొప్పుఁ జెవులు రుక్మిణికి;
కందర్పుఁడింపుగాఁ గదల నిర్గమము
ముందట విల్లునమ్ములు నిడెననఁగఁ. 120
దరలాక్షి నెమ్మోముతామరమీఁదఁ
గరవంకబొమలతోఁ గనుదోయి వొలుచు;
శశి యింతినెమ్మోము సవతుగాలేక
యసలార సగమైన యట్లొప్పు నొసలు;
వదనాంబుజాతంబు వాసనఁ గ్రోలఁ;
గదియు తేంటులభంగిఁ గాన్పించుగురులు;
తొయ్యలి మోముచందురు వెంటఁదగులు
నయ్యహిభంగిఁ జెన్నగు నీలవేణి;
భావజన్ముని నెత్తపలకచందమున
నావామలోచనకసలారె వెన్ను;
కటకనూపురహారకంకణరత్న
పటలరోచుల దిశాభాగంబుఁ గప్పుఁ
గరిరాజగమనంబుగతి రాజతనయ
యరుదెంచె గౌరినిజాలయంబునకు,
ఈభంగి సౌభాగ్యమెసఁగ నేతెంచి