ద్విపదభాగవత - జగదభిరక్షణ కాండ : వసంతఋతువర్ణనము
అంతట సకలలోకానందమగుచుఁ
గంతుని సామ్రాజ్యఘనలక్ష్మి యనఁగ
పరమానురాగసంపన్న కారణము
విరహిమానసమహా విద్యేషణంబు
శుకకోకిలాలాప సుస్వరప్రదము
ప్రకటితదంపతి ప్రాణవల్లభము
మధుపకుటింబికా మందిరాంగణము
మధురసౌరభశైత్య మాంద్యకారణము
ప్రాలేయకులవార్థి బడబానలంబు
ప్రాలేయకులవార్ధి బడబానలంబు
నానొప్పి వనముల నవకంబులెక్క
మానుగానేతెంచె మధుమాసలక్ష్మి. nbsp;
తరులతావలులకుఁ దమకంబులెక్కి
పరిమళంబై మంద పవనుఁడు వీచె; - 60
గుమురెక్కి తరులెల్లఁ గొనచిగురాకు
గములు క్రొన్నన నవకపు మొగ్గ మ్రొగ్గ
వలిమొగ్గ క్రొవ్విరి వలవులు గులుక
వెలిపూవు నూనూఁగు పిందెలుగాయ
కసుగాయ వులికాయ కడునొప్పు దోర
పసనుపండులు వనిపండులు గలిగి
తరువు లెల్లను గల్పతరువుల భంగి
పరువమై చూపట్టు పరిమళశ్రీల!
వాసంతి వనములు వాసనగలిగి
వాసికి నెక్కిచామంతులు పూచె;
గొజ్జంగలలరుల గొమరారుమరుని
సజ్జపట్టులభంగి సౌరభంబొలసె;
కందర్పుటమ్ముల కరణిని వెడలి
సింధువారంబులు చెన్నారఁ బూచె;
మగువల గండూప మధుకేళిఁ దేలి
పొగడ లామనివేళఁ బొగనొందఁ బూచె;
తన్నాసపడి చూడఁ దరుణీజనంబు
తన్నాసపడిపూచె దగనశోకంబు;
తన్నిన నలరుటే తగవంచు సతుల
కన్నుసన్నలఁ దిలకంబు చూపట్టె; - 70
సుదతుల కౌఁగిళ్ళ జొక్కులఁ జొక్కి
ముదమంది కురవకంబులు మ్రానుపడియె;
పాటలు చెవివిని పాటలీతరులు
పాటిల్లె సతుల యా పాటల నలరి;
సంపంగిపూదేనె చవిఁజొక్కి క్రింద
గుంపులై యలరెడు గొదమతుమ్మెదల
పానాభిరతిఁ జొక్కి పతులును సతులు
గానంబు లొనరించు గతిని జూపట్టె;
కాయజుఁ డదె దండు గదలి యేతెంచె
రాయడి యడలి బోరన గూడుఁ డనుచుఁ
గోయని యెలమావి కొమ్మల మీఁదఁ
గోయిల లెలిగించె కొమరగ్గలింప;
భావజు త్రైలోక్య పట్టంబుగట్ట
దీవించఁ జనుదెంచు ద్విజులచందమునఁ
జెలరేఁగి యెల్లెడఁ జిలుకలు మ్రోసె;
వెలుఁగొందు చంద్రుడు వెన్నెలతేట
పరువంపు చిన్నిపూపాటన నమర
మురిపెంపు నవ్వు కెమ్మోవులఁ దనరఁ
దిలకించు చందన తిలకంబు లలర
కలికెలు మేన నుత్కలికలై తనర - 80
వనములు నిత్యయౌవనలక్ష్మిఁ జెంది
వనితలచందమై వలనొప్పుఁ జూడ
నీభంగి నామని యేపార సీరి
యాభీరుకాంతల నాత్మలోఁదలఁచి;