ద్విపదభాగవత - జగదభిరక్షణ కాండ : భీమజరాసంధుల మల్లయుద్ధము:
డనిపల్కి సన్నద్ధుఁడై యూరు వెడలి
చని యొక్క యెడ సమస్ధలముఁ గావించి
మారుతాత్మజుఁడును మగధభూపతియు
నీరసంబున డాసి యేపార నంత;
నంతకాకారులై యత్యుగ్ర భద్ర
దంతావళంబులు దగ్గఱు మాడ్కి - 560
పటుతర నిర్ఘాతపాతంబులట్ల
చటులతమై మల్ల చఱచి యొండొరులఁ
బట్టుచు విడుచుచు బాహుపాశములఁ
జుట్టి విణ్ణాణముల్ చూపి యార్చుచును
సరియగు సవ్యాపసవ్య మార్గములఁ
దరమిడి గదిసమై తాఁకి వైచుచును
గడల కొమ్మంటులు గ్రమ్మంగఁ జెట్టు
కడఁగి వ్రేయుచుఁ జేత గదిమి తప్పుచును
3-22 నాశీవిషంబుల ననువున మ్రోసి
యాశుగమును బోలి యందంద వ్రేయ
ముదమున డగ్గరి ముష్టిఘాతముల
పదతాడనంబులు పటుశక్తిఁ జూపి
భీముని మగధుండు పిడికిటఁ బొడువ
నామారుతాత్మజుఁడ చలుఁడై నిలిచి
మోకాలఁ గొని గుండె మోవంగఁ బొడువ
వీఁకరి మగధభూవిభుఁడుర్వి వ్రాలె!
క్రమ్మన లేచి భీకర ముష్టి హతుల
నమ్మారుతాత్మజు నందంద నొంప
తఱలక నాతఁడాతని 3-23 జత్రు దేశ
మఱిముఱి బొడిచిన యంగంబు వడఁక - 570
పడిపడి నిల్చి యాపవమానసుతుఁడు
నడుముఁ బీడించి విణ్ణాణంబు గొనఁగ
జాడించి యిరువురు సమసత్వ లీల
వీడాడి నొప్పింప వెన్నుఁడు గాంచి!
3-22 ఆశీవిషము = పాము, సర్పము
3-23 జత్రువు = మూపుల యొక్క సంధి ఎముకలు, కొంకులు, మెడకొంకి