ఛందోపరిచయము : ఇంద్రవజ్రము
8 ఇంద్రవజ్రము
పదునొకండవ త్రిష్టుస్ఛంధంబునందుఇంద్రవజ్రయను వృత్తము
సామర్థలీలన్ తతజ ద్విగంబుల్
భూమింధ్ర విశ్రాంతుల బొంది యొప్పున్
ప్రేమంబుతో నైందవ బింబ వక్తృన్
హేమాంబురుం బాడుదు రింద్రవజ్రన్.
గణ విభజన
| UUI | UUI | IUI | UU |
| త | త | జ | గా |
| సామర్థ | లీలన్త | తజద్వి | గంబుల్ |
లక్షణములు
| పాదాలు | నాలుగు |
| ప్రతి పాదంలోనూ అక్షరాల సంఖ్య | 11 |
| ప్రతిపాదంలోని గణాలు | త, త, జ, గా |
| యతి | ప్రతిపాదంలోనూ 8 వ అక్షరము |
| ప్రాస | పాటించవలెను |
| ప్రాసయతి | చెల్లదు |
పోతన తెలుగు భాగవతంలో వాడిన పద్యాల సంఖ్య 4
భా10.1690ఇ.
నీయాన; యెవ్వారిని నిగ్రహింపం
డా యుగ్ర పాపాకృతి నంద డింకన్;
నీ యాజ్ఞలో నుండెడు నేఁటఁగోలెన్
మా యీశు ప్రాణంబులు మాకు నీవే."