పోతన తెలుగు భాగవతము

స్తుతులు స్తోత్రాలు : పితృజన స్తుతి (క్షేమ కరం)

• Print
• Email
• Share on FaceBook
• Share on Twitter

  1
అరయ నాచార్యుండు పరతత్త్వరూపంబు-
  దండ్రి దలంపఁగ ధాతరూపు;
రూపింప భ్రాత మరుత్పతి రూపంబు-
  దెలియంగఁ దల్లి భూదేవిరూపు;
భగిని కరుణరూపు; భావంబు ధర్మ స్వ-
  రూపంబు దా నర్థిరూపు మొదల
నభ్యాగతుఁడు మున్న యగ్ని దేవునిరూపు-
  సర్వభూతములుఁ గేశవుని రూపు;

  2
గాన తండ్రి వేగ కడు నార్తులగు పితృ
జనులమైన మమ్ముఁ జల్లఁ జూచి
పరభయంబు వాపి నిరుపమం బగు తపో
మహిమచేత మెఱసి మనుపవయ్య!

  3
ఇతి బమ్మెఱ పోతనామాత్య కృత శ్రీమత్తెలుగు భాగవత షష్ఠ స్కంధ అంతర్గత పితృజన స్తుతి (క్షేమ కరం)