పోతన తెలుగు భాగవతము

స్తుతులు స్తోత్రాలు : :: విష్ణు స్తుతులు::
అదితి కృత హరి స్తుతి (శుభ కరము)

• Print
• Email
• Share on FaceBook
• Share on Twitter

  1
యజ్ఞేశ! విశ్వంభరాచ్యుత! శ్రవణ మం-
  గళనామధేయ! లోకస్వరూప!
యాపన్న భక్త జనార్తి విఖండన!-
  దీనలోకాధార! తీర్థపాద!
విశ్వోద్భవస్థితి విలయకారణభూత!-
  సంతతానంద! శశ్వద్విలాస!
యాయువు దేహంబు ననుపమ లక్ష్మియు-
  వసుధయు దివముఁ ద్రివర్గములును

  2
వైదికజ్ఞాన యుక్తియు వైరిజయము
నిన్నుఁ గొలువని నరులకు నెఱయఁ గలదె
వినుతమందార! గుణహార! వేదసార!
ప్రణత వత్సల! పద్మాక్ష! పరమపురుష!

  3
ఇతి బమ్మెఱ పోతనామాత్య కృత శ్రీమత్తెలుగు భాగవత అష్టమ స్కంధ అంతర్గత అదితి కృత హరి స్తుతి (శుభ కరము)

ఋత్వికుల విష్ణు స్తుతి (క్షమా ప్రార్థన)