పోతన తెలుగు భాగవతము

స్తుతులు స్తోత్రాలు : పృథ్వి చేసిన కృష్ణ స్తుతి (అభయ ప్రదం)

• Print
• Email
• Share on FaceBook
• Share on Twitter

  1
"అంభోజనాభున కంభోజనేత్రున-
  కంభోజమాలాసమన్వితునకు
నంభోజపదున కనంతశక్తికి వాసు-
  దేవునకును దేవదేవునకును
భక్తులు గోరినభంగి నే రూపైనఁ-
  బొందువానికి నాదిపురుషునకును
నఖిల నిదానమై యాపూర్ణవిజ్ఞానుఁ-
  డయినవానికిఁ, బరమాత్మునకును,

  2
ధాతఁ గన్న మేటితండ్రికి, నజునికి,
నీకు వందనంబు నే నొనర్తు
నిఖిలభూతరూప! నిరుపమ! యీశ! ప
రాపరాత్మ మహిత! యమితచరిత!

  3
ఇతి బమ్మెఱ పోతనామాత్య కృత శ్రీమత్తెలుగు భాగవత దశమస్కంధ ఉత్తరభాగ అంతర్గత పృథ్వి చేసిన కృష్ణ స్తుతి (అభయ ప్రదం)