పోతన తెలుగు భాగవతము

స్తుతులు స్తోత్రాలు : ధర్మజుని కృష్ణ స్తుతి (భక్తి ప్రదం)

• Print
• Email
• Share on FaceBook
• Share on Twitter

  1
"కమలాక్ష! సర్వలోకములకు గురుఁడవై-
  తేజరిల్లెడు భవదీయమూర్తి
యంశాంశసంభవు లగు లోకపాలురు-
  నీ యాజ్ఞఁ దలమోచి నిఖిలభువన
పరిపాల నిపుణులై భాసిల్లుచున్న వా-
  రట్టి నీ కొక నృపునాజ్ఞ సేయు
టరయ నీమాయ గాకది నిక్కమే? యేక-
  మై యద్వితీయమై యవ్యయంబు

  2
నైన నీ తేజమున కొక హాని గలదె?
చిన్మయాకార! నీ పాదసేవకులకు
నాత్మపరభేదబుద్ధి యెందైనఁ గలదె?
పుండరీకాక్ష! గోవింద! భువనరక్ష! "

  3
ఇతి బమ్మెఱ పోతనామాత్య కృత శ్రీమత్తెలుగు భాగవత దశమస్కంధ ఉత్తరభాగ అంతర్గత ధర్మజుని కృష్ణ స్తుతి (భక్తి ప్రదం)