పోతన తెలుగు భాగవతము

స్తుతులు స్తోత్రాలు : చాణూరకృత కృష్ణ నిందా స్తుతి (వేదనా హరం)

• Print
• Email
• Share on FaceBook
• Share on Twitter

  1
చలమున నను డాసి జలరాశిఁ జొరరాదు-
  నిగిడి గోత్రముదండ నిలువరాదు;
కేడించి కుంభిని క్రిందికిఁ బోరాదు-
  మనుజసింహుఁడ నని మలయరాదు;
చేరినఁ బడవైతుఁ జెయి చాపఁగారాదు-
  బెరసి నా ముందటఁ బెరుఁగరాదు;
భూనాథ హింసకుఁ బోరాదు నను మీఱి-
  శోధింతుఁ గానలఁ జొరఁగరాదు;

  2
ప్రబలమూర్తి ననుచు భాసిల్లఁగారాదు;
ధరఁ బ్రబుద్ధుఁడ నని దఱుమరాదు;
కలికితనము చూపి గర్వింపఁగారాదు;
తరముగాదు; కృష్ణ! తలఁగు తలఁగు.

  3
ఇతి బమ్మెఱ పోతనామాత్య కృత శ్రీమత్తెలుగు భాగవత దశమస్కంధ పూర్వభాగ అంతర్గత చాణూరకృత కృష్ణ నిందా స్తుతి (వేదనా హరం)