పోతన తెలుగు భాగవతము

పోతన తెలుగు భాగవతము

నవమ స్కంధము : అధ్యాయము – 19

  •  
  •  
  •  

9-1-శ్లో.
  • ఉపకరణాలు:
  •  
  •  
  •  

శ్రీశుక ఉవాచ
స ఇత్థమాచరన్కామాన్స్త్రైణోऽపహ్నవమాత్మనః
బుద్ధ్వా ప్రియాయై నిర్విణ్ణో గాథామేతామగాయత.

9-2-శ్లో.
  • ఉపకరణాలు:
  •  
  •  
  •  

శృణు భార్గవ్యమూం గాథాం మద్విధాచరితాం భువి
ధీరా యస్యానుశోచన్తి వనే గ్రామనివాసినః.

9-3-శ్లో.
  • ఉపకరణాలు:
  •  
  •  
  •  

బస్త ఏకో వనే కశ్చిద్విచిన్వన్ప్రియమాత్మనః
దదర్శ కూపే పతితాం స్వకర్మవశగామజామ్.

9-4-శ్లో.
  • ఉపకరణాలు:
  •  
  •  
  •  

తస్యా ఉద్ధరణోపాయం బస్తః కామీ విచిన్తయన్
వ్యధత్త తీర్థముద్ధృత్య విషాణాగ్రేణ రోధసీ.

9-5-శ్లో.
  • ఉపకరణాలు:
  •  
  •  
  •  

సోత్తీర్య కూపాత్సుశ్రోణీ తమేవ చకమే కిల
తయా వృతం సముద్వీక్ష్య బహ్వ్యోऽజాః కాన్తకామినీః.

9-6-శ్లో.
  • ఉపకరణాలు:
  •  
  •  
  •  

పీవానం శ్మశ్రులం ప్రేష్ఠం మీఢ్వాంసం యాభకోవిదమ్
స ఏకోऽజవృషస్తాసాం బహ్వీనాం రతివర్ధనః
రేమే కామగ్రహగ్రస్త ఆత్మానం నావబుధ్యత.

9-7-శ్లో.
  • ఉపకరణాలు:
  •  
  •  
  •  

తమేవ ప్రేష్ఠతమయా రమమాణమజాన్యయా
విలోక్య కూపసంవిగ్నా నామృష్యద్బస్తకర్మ తత్.

9-8-శ్లో.
  • ఉపకరణాలు:
  •  
  •  
  •  

తం దుర్హృదం సుహృద్రూపం కామినం క్షణసౌహృదమ్
ఇన్ద్రియారామముత్సృజ్య స్వామినం దుఃఖితా యయౌ.

9-9-శ్లో.
  • ఉపకరణాలు:
  •  
  •  
  •  

సోऽపి చానుగతః స్త్రైణః కృపణస్తాం ప్రసాదితుమ్
కుర్వన్నిడవిడాకారం నాశక్నోత్పథి సన్ధితుమ్.

9-10-శ్లో.
  • ఉపకరణాలు:
  •  
  •  
  •  

తస్య తత్ర ద్విజః కశ్చిదజాస్వామ్యచ్ఛినద్రుషా
లమ్బన్తం వృషణం భూయః సన్దధేऽర్థాయ యోగవిత్.

9-11-శ్లో.
  • ఉపకరణాలు:
  •  
  •  
  •  

సమ్బద్ధవృషణః సోऽపి హ్యజయా కూపలబ్ధయా
కాలం బహుతిథం భద్రే కామైర్నాద్యాపి తుష్యతి.

9-12-శ్లో.
  • ఉపకరణాలు:
  •  
  •  
  •  

తథాహం కృపణః సుభ్రు భవత్యాః ప్రేమయన్త్రితః
ఆత్మానం నాభిజానామి మోహితస్తవ మాయయా.

9-13-శ్లో.
  • ఉపకరణాలు:
  •  
  •  
  •  

యత్పృథివ్యాం వ్రీహియవం హిరణ్యం పశవః స్త్రియః
న దుహ్యన్తి మనఃప్రీతిం పుంసః కామహతస్య తే.

9-14-శ్లో.
  • ఉపకరణాలు:
  •  
  •  
  •  

న జాతు కామః కామానాముపభోగేన శాంయతి
హవిషా కృష్ణవర్త్మేవ భూయ ఏవాభివర్ధతే.

9-15-శ్లో.
  • ఉపకరణాలు:
  •  
  •  
  •  

యదా న కురుతే భావం సర్వభూతేష్వమఙ్గలమ్
సమదృష్టేస్తదా పుంసః సర్వాః సుఖమయా దిశః.

9-16-శ్లో.
  • ఉపకరణాలు:
  •  
  •  
  •  

యా దుస్త్యజా దుర్మతిభిర్జీర్యతో యా న జీర్యతే
తాం తృష్ణాం దుఃఖనివహాం శర్మకామో ద్రుతం త్యజేత్.

9-17-శ్లో.
  • ఉపకరణాలు:
  •  
  •  
  •  

మాత్రా స్వస్రా దుహిత్రా వా నావివిక్తాసనో భవేత్
బలవానిన్ద్రియగ్రామో విద్వాంసమపి కర్షతి.

9-18-శ్లో.
  • ఉపకరణాలు:
  •  
  •  
  •  

పూర్ణం వర్షసహస్రం మే విషయాన్సేవతోऽసకృత్
తథాపి చానుసవనం తృష్ణా తేషూపజాయతే.

9-19-శ్లో.
  • ఉపకరణాలు:
  •  
  •  
  •  

తస్మాదేతామహం త్యక్త్వా బ్రహ్మణ్యధ్యాయ మానసమ్
నిర్ద్వన్ద్వో నిరహఙ్కారశ్చరిష్యామి మృగైః సహ.

9-20-శ్లో.
  • ఉపకరణాలు:
  •  
  •  
  •  

దృష్టం శ్రుతమసద్బుద్ధ్వా నానుధ్యాయేన్న సన్దిశేత్
సంసృతిం చాత్మనాశం చ తత్ర విద్వాన్స ఆత్మదృక్.

9-21-శ్లో.
  • ఉపకరణాలు:
  •  
  •  
  •  

ఇత్యుక్త్వా నాహుషో జాయాం తదీయం పూరవే వయః
దత్త్వా స్వజరసం తస్మాదాదదే విగతస్పృహః.

9-22-శ్లో.
  • ఉపకరణాలు:
  •  
  •  
  •  

దిశి దక్షిణపూర్వస్యాం ద్రుహ్యుం దక్షిణతో యదుమ్
ప్రతీచ్యాం తుర్వసుం చక్ర ఉదీచ్యామనుమీశ్వరమ్.

9-23-శ్లో.
  • ఉపకరణాలు:
  •  
  •  
  •  

భూమణ్డలస్య సర్వస్య పూరుమర్హత్తమం విశామ్
అభిషిచ్యాగ్రజాంస్తస్య వశే స్థాప్య వనం యయౌ.

9-24-శ్లో.
  • ఉపకరణాలు:
  •  
  •  
  •  

ఆసేవితం వర్షపూగాన్షడ్వర్గం విషయేషు సః
క్షణేన ముముచే నీడం జాతపక్ష ఇవ ద్విజః.

9-25-శ్లో.
  • ఉపకరణాలు:
  •  
  •  
  •  

స తత్ర నిర్ముక్తసమస్తసఙ్గ ఆత్మానుభూత్యా విధుతత్రిలిఙ్గః
పరేऽమలే బ్రహ్మణి వాసుదేవే లేభే గతిం భాగవతీం ప్రతీతః.

9-26-శ్లో.
  • ఉపకరణాలు:
  •  
  •  
  •  

శ్రుత్వా గాథాం దేవయానీ మేనే ప్రస్తోభమాత్మనః
స్త్రీపుంసోః స్నేహవైక్లవ్యాత్పరిహాసమివేరితమ్.

9-27-శ్లో.
  • ఉపకరణాలు:
  •  
  •  
  •  

సా సన్నివాసం సుహృదాం ప్రపాయామివ గచ్ఛతామ్
విజ్ఞాయేశ్వరతన్త్రాణాం మాయావిరచితం ప్రభోః.

9-28-శ్లో.
  • ఉపకరణాలు:
  •  
  •  
  •  

సర్వత్ర సఙ్గముత్సృజ్య స్వప్నౌపమ్యేన భార్గవీ
కృష్ణే మనః సమావేశ్య వ్యధునోల్లిఙ్గమాత్మనః.

9-29-శ్లో.
  • ఉపకరణాలు:
  •  
  •  
  •  

నమస్తుభ్యం భగవతే వాసుదేవాయ వేధసే
సర్వభూతాధివాసాయ శాన్తాయ బృహతే నమః.