పోతన తెలుగు భాగవతము

పోతన తెలుగు భాగవతము

నవమ స్కంధము : అధ్యాయము – 12

  •  
  •  
  •  

9-1-శ్లో.
  • ఉపకరణాలు:
  •  
  •  
  •  

శ్రీశుక ఉవాచ
కుశస్య చాతిథిస్తస్మాన్నిషధస్తత్సుతో నభః
పుణ్డరీకోऽథ తత్పుత్రః క్షేమధన్వాభవత్తతః.

9-2-శ్లో.
  • ఉపకరణాలు:
  •  
  •  
  •  

దేవానీకస్తతోऽనీహః పారియాత్రోऽథ తత్సుతః
తతో బలస్థలస్తస్మాద్వజ్రనాభోऽర్కసమ్భవః.

9-3-శ్లో.
  • ఉపకరణాలు:
  •  
  •  
  •  

సగణస్తత్సుతస్తస్మాద్విధృతిశ్చాభవత్సుతః
తతో హిరణ్యనాభోऽభూద్యోగాచార్యస్తు జైమినేః.

9-4-శ్లో.
  • ఉపకరణాలు:
  •  
  •  
  •  

శిష్యః కౌశల్య ఆధ్యాత్మం యాజ్ఞవల్క్యోऽధ్యగాద్యతః
యోగం మహోదయమృషిర్హృదయగ్రన్థిభేదకమ్.

9-5-శ్లో.
  • ఉపకరణాలు:
  •  
  •  
  •  

పుష్పో హిరణ్యనాభస్య ధ్రువసన్ధిస్తతోऽభవత్
సుదర్శనోऽథాగ్నివర్ణః శీఘ్రస్తస్య మరుః సుతః.

9-6-శ్లో.
  • ఉపకరణాలు:
  •  
  •  
  •  

సోऽసావాస్తే యోగసిద్ధః కలాపగ్రామమాస్థితః
కలేరన్తే సూర్యవంశం నష్టం భావయితా పునః.

9-7-శ్లో.
  • ఉపకరణాలు:
  •  
  •  
  •  

తస్మాత్ప్రసుశ్రుతస్తస్య సన్ధిస్తస్యాప్యమర్షణః
మహస్వాంస్తత్సుతస్తస్మాద్విశ్వబాహురజాయత.

9-8-శ్లో.
  • ఉపకరణాలు:
  •  
  •  
  •  

తతః ప్రసేనజిత్తస్మాత్తక్షకో భవితా పునః
తతో బృహద్బలో యస్తు పిత్రా తే సమరే హతః.

9-9-శ్లో.
  • ఉపకరణాలు:
  •  
  •  
  •  

ఏతే హీక్ష్వాకుభూపాలా అతీతాః శృణ్వనాగతాన్
బృహద్బలస్య భవితా పుత్రో నామ్నా బృహద్రణః.

9-10-శ్లో.
  • ఉపకరణాలు:
  •  
  •  
  •  

ఊరుక్రియః సుతస్తస్య వత్సవృద్ధో భవిష్యతి
ప్రతివ్యోమస్తతో భానుర్దివాకో వాహినీపతిః.

9-11-శ్లో.
  • ఉపకరణాలు:
  •  
  •  
  •  

సహదేవస్తతో వీరో బృహదశ్వోऽథ భానుమాన్
ప్రతీకాశ్వో భానుమతః సుప్రతీకోऽథ తత్సుతః.

9-12-శ్లో.
  • ఉపకరణాలు:
  •  
  •  
  •  

భవితా మరుదేవోऽథ సునక్షత్రోऽథ పుష్కరః
తస్యాన్తరిక్షస్తత్పుత్రః సుతపాస్తదమిత్రజిత్.

9-13-శ్లో.
  • ఉపకరణాలు:
  •  
  •  
  •  

బృహద్రాజస్తు తస్యాపి బర్హిస్తస్మాత్కృతఞ్జయః
రణఞ్జయస్తస్య సుతః సఞ్జయో భవితా తతః.

9-14-శ్లో.
  • ఉపకరణాలు:
  •  
  •  
  •  

తస్మాచ్ఛాక్యోऽథ శుద్ధోదో లాఙ్గలస్తత్సుతః స్మృతః
తతః ప్రసేనజిత్తస్మాత్క్షుద్రకో భవితా తతః.

9-15-శ్లో.
  • ఉపకరణాలు:
  •  
  •  
  •  

రణకో భవితా తస్మాత్సురథస్తనయస్తతః
సుమిత్రో నామ నిష్ఠాన్త ఏతే బార్హద్బలాన్వయాః.

9-16-శ్లో.
  • ఉపకరణాలు:
  •  
  •  
  •  

ఇక్ష్వాకూణామయం వంశః సుమిత్రాన్తో భవిష్యతి
యతస్తం ప్రాప్య రాజానం సంస్థాం ప్రాప్స్యతి వై కలౌ.