పోతన తెలుగు భాగవతము

8-1-శ్లో.

శ్రీరాజోవాచ
మన్వన్తరేషు భగవన్యథా మన్వాదయస్త్విమే
యస్మిన్కర్మణి యే యేన నియుక్తాస్తద్వదస్వ మే

8-2-శ్లో.

శ్రీఋషిరువాచ
మనవో మనుపుత్రాశ్చ మునయశ్చ మహీపతే
ఇన్ద్రాః సురగణాశ్చైవ సర్వే పురుషశాసనాః

8-3-శ్లో.

యజ్ఞాదయో యాః కథితాః పౌరుష్యస్తనవో నృప
మన్వాదయో జగద్యాత్రాం నయన్త్యాభిః ప్రచోదితాః

8-4-శ్లో.

చతుర్యుగాన్తే కాలేన గ్రస్తాన్ఛ్రుతిగణాన్యథా
తపసా ఋషయోऽపశ్యన్యతో ధర్మః సనాతనః

8-5-శ్లో.

తతో ధర్మం చతుష్పాదం మనవో హరిణోదితాః
యుక్తాః సఞ్చారయన్త్యద్ధా స్వే స్వే కాలే మహీం నృప

8-6-శ్లో.

పాలయన్తి ప్రజాపాలా యావదన్తం విభాగశః
యజ్ఞభాగభుజో దేవా యే చ తత్రాన్వితాశ్చ తైః

8-7-శ్లో.

ఇన్ద్రో భగవతా దత్తాం త్రైలోక్యశ్రియమూర్జితామ్
భుఞ్జానః పాతి లోకాంస్త్రీన్కామం లోకే ప్రవర్షతి

8-8-శ్లో.

జ్ఞానం చానుయుగం బ్రూతే హరిః సిద్ధస్వరూపధృక్
ఋషిరూపధరః కర్మ యోగం యోగేశరూపధృక్

8-9-శ్లో.

సర్గం ప్రజేశరూపేణ దస్యూన్హన్యాత్స్వరాడ్వపుః
కాలరూపేణ సర్వేషామభావాయ పృథగ్గుణః

8-10-శ్లో.

స్తూయమానో జనైరేభిర్మాయయా నామరూపయా
విమోహితాత్మభిర్నానా దర్శనైర్న చ దృశ్యతే

8-11-శ్లో.

ఏతత్కల్పవికల్పస్య ప్రమాణం పరికీర్తితమ్
యత్ర మన్వన్తరాణ్యాహుశ్చతుర్దశ పురావిదః