దశమ స్కంధము : అధ్యాయము – 76
- ఉపకరణాలు:
బహురూపైకరూపం తద్దృశ్యతే న చ దృశ్యతే
మాయామయం మయకృతం దుర్విభావ్యం పరైరభూత్
- ఉపకరణాలు:
శ్రీశుక ఉవాచ
అథాన్యదపి కృష్ణస్య శృణు కర్మాద్భుతం నృప
క్రీడానరశరీరస్య యథా సౌభపతిర్హతః
- ఉపకరణాలు:
శిశుపాలసఖః శాల్వో రుక్మిణ్యుద్వాహ ఆగతః
యదుభిర్నిర్జితః సఙ్ఖ్యే జరాసన్ధాదయస్తథా
- ఉపకరణాలు:
శాల్వః ప్రతిజ్ఞామకరోచ్ఛృణ్వతాం సర్వభూభుజామ్
అయాదవాం క్ష్మాం కరిష్యే పౌరుషం మమ పశ్యత
- ఉపకరణాలు:
ఇతి మూఢః ప్రతిజ్ఞాయ దేవం పశుపతిం ప్రభుమ్
ఆరాధయామాస నృపః పాంశుముష్టిం సకృద్గ్రసన్
- ఉపకరణాలు:
సంవత్సరాన్తే భగవానాశుతోష ఉమాపతిః
వరేణ చ్ఛన్దయామాస శాల్వం శరణమాగతమ్
- ఉపకరణాలు:
దేవాసురమనుష్యాణాం గన్ధర్వోరగరక్షసామ్
అభేద్యం కామగం వవ్రే స యానం వృష్ణిభీషణమ్
- ఉపకరణాలు:
తథేతి గిరిశాదిష్టో మయః పరపురంజయః
పురం నిర్మాయ శాల్వాయ ప్రాదాత్సౌభమయస్మయమ్
- ఉపకరణాలు:
స లబ్ధ్వా కామగం యానం తమోధామ దురాసదమ్
యయస్ద్వారవతీం శాల్వో వైరం వృష్ణికృతం స్మరన్
- ఉపకరణాలు:
నిరుధ్య సేనయా శాల్వో మహత్యా భరతర్షభ
పురీం బభఞ్జోపవనానుద్యానాని చ సర్వశః
- ఉపకరణాలు:
సగోపురాణి ద్వారాణి ప్రాసాదాట్టాలతోలికాః
విహారాన్స విమానాగ్ర్యాన్నిపేతుః శస్త్రవృష్టయః
- ఉపకరణాలు:
శిలాద్రుమాశ్చాశనయః సర్పా ఆసారశర్కరాః
ప్రచణ్డశ్చక్రవాతోऽభూద్రజసాచ్ఛాదితా దిశః
- ఉపకరణాలు:
ఇత్యర్ద్యమానా సౌభేన కృష్ణస్య నగరీ భృశమ్
నాభ్యపద్యత శం రాజంస్త్రిపురేణ యథా మహీ
- ఉపకరణాలు:
ప్రద్యుమ్నో భగవాన్వీక్ష్య బాధ్యమానా నిజాః ప్రజాః
మ భైష్టేత్యభ్యధాద్వీరో రథారూఢో మహాయశాః
- ఉపకరణాలు:
సాత్యకిశ్చారుదేష్ణశ్చ సామ్బోऽక్రూరః సహానుజః
హార్దిక్యో భానువిన్దశ్చ గదశ్చ శుకసారణౌ
- ఉపకరణాలు:
అపరే చ మహేష్వాసా రథయూథపయూథపాః
నిర్యయుర్దంశితా గుప్తా రథేభాశ్వపదాతిభిః
- ఉపకరణాలు:
తతః ప్రవవృతే యుద్ధం శాల్వానాం యదుభిః సహ
యథాసురాణాం విబుధైస్తుములం లోమహర్షణమ్
- ఉపకరణాలు:
తాశ్చ సౌభపతేర్మాయా దివ్యాస్త్రై రుక్మిణీసుతః
క్షణేన నాశయామాస నైశం తమ ఇవోష్ణగుః
- ఉపకరణాలు:
వివ్యాధ పఞ్చవింశత్యా స్వర్ణపుఙ్ఖైరయోముఖైః
శాల్వస్య ధ్వజినీపాలం శరైః సన్నతపర్వభిః
- ఉపకరణాలు:
శతేనాతాడయచ్ఛాల్వమేకైకేనాస్య సైనికాన్
దశభిర్దశభిర్నేతౄన్వాహనాని త్రిభిస్త్రిభిః
- ఉపకరణాలు:
తదద్భుతం మహత్కర్మ ప్రద్యుమ్నస్య మహాత్మనః
దృష్ట్వా తం పూజయామాసుః సర్వే స్వపరసైనికాః
- ఉపకరణాలు:
క్వచిద్భూమౌ క్వచిద్వ్యోమ్ని గిరిమూర్ధ్ని జలే క్వచిత్
అలాతచక్రవద్భ్రామ్యత్సౌభం తద్దురవస్థితమ్
- ఉపకరణాలు:
యత్ర యత్రోపలక్ష్యేత ససౌభః సహసైనికః
శాల్వస్తతస్తతోऽముఞ్చఞ్ఛరాన్సాత్వతయూథపాః
- ఉపకరణాలు:
శరైరగ్న్యర్కసంస్పర్శైరాశీవిషదురాసదైః
పీడ్యమానపురానీకః శాల్వోऽముహ్యత్పరేరితైః
- ఉపకరణాలు:
శాల్వానీకపశస్త్రౌఘైర్వృష్ణివీరా భృశార్దితాః
న తత్యజూ రణం స్వం స్వం లోకద్వయజిగీషవః
- ఉపకరణాలు:
శాల్వామాత్యో ద్యుమాన్నామ ప్రద్యుమ్నం ప్రక్ప్రపీడితః
ఆసాద్య గదయా మౌర్వ్యా వ్యాహత్య వ్యనదద్బలీ
- ఉపకరణాలు:
ప్రద్యుమ్నం గదయా సీర్ణ వక్షఃస్థలమరిందమమ్
అపోవాహ రణాత్సూతో ధర్మవిద్దారుకాత్మజః
- ఉపకరణాలు:
లబ్ధసమ్జ్ఞో ముహూర్తేన కార్ష్ణిః సారథిమబ్రవీత్
అహో అసాధ్విదం సూత యద్రణాన్మేऽపసర్పణమ్
- ఉపకరణాలు:
న యదూనాం కులే జాతః శ్రూయతే రణవిచ్యుతః
వినా మత్క్లీబచిత్తేన సూతేన ప్రాప్తకిల్బిషాత్
- ఉపకరణాలు:
కిం ను వక్ష్యేऽభిసఙ్గమ్య పితరౌ రామకేశవౌ
యుద్ధాత్సమ్యగపక్రాన్తః పృష్టస్తత్రాత్మనః క్షమమ్
- ఉపకరణాలు:
వ్యక్తం మే కథయిష్యన్తి హసన్త్యో భ్రాతృజామయః
క్లైబ్యం కథం కథం వీర తవాన్యైః కథ్యతాం మృధే
- ఉపకరణాలు:
సారథిరువాచ
ధర్మం విజానతాయుష్మన్కృతమేతన్మయా విభో
సూతః కృచ్ఛ్రగతం రక్షేద్రథినం సారథిం రథీ
- ఉపకరణాలు:
ఏతద్విదిత్వా తు భవాన్మయాపోవాహితో రణాత్
ఉపసృష్టః పరేణేతి మూర్చ్ఛితో గదయా హతః
- ఉపకరణాలు:
అధ్యాయము – 77