పోతన తెలుగు భాగవతము

10-1-శ్లో.

శ్రీశుక ఉవాచ
నన్దవ్రజం గతే రామే కరూషాధిపతిర్నృప
వాసుదేవోऽహమిత్యజ్ఞో దూతం కృష్ణాయ ప్రాహిణోత్

10-2-శ్లో.

త్వం వాసుదేవో భగవానవతీఋనో జగత్పతిః
ఇతి ప్రస్తోభితో బాలైర్మేన ఆత్మానమచ్యుతమ్

10-3-శ్లో.

దూతం చ ప్రాహిణోన్మన్దః కృష్ణాయావ్యక్తవర్త్మనే
ద్వారకాయాం యథా బాలో నృపో బాలకృతోऽబుధః

10-4-శ్లో.

దూతస్తు ద్వారకామేత్య సభాయామాస్థితం ప్రభుమ్
కృష్ణం కమలపత్రాక్షం రాజసన్దేశమబ్రవీత్

10-5-శ్లో.

వాసుదేవోऽవతీర్నోऽహమేక ఏవ న చాపరః
భూతానామనుకమ్పార్థం త్వం తు మిథ్యాభిధాం త్యజ

10-6-శ్లో.

యాని త్వమస్మచ్చిహ్నాని మౌఢ్యాద్బిభర్షి సాత్వత
త్యక్త్వైహి మాం త్వం శరణం నో చేద్దేహి మమాహవమ్

10-7-శ్లో.

శ్రీశుక ఉవాచ
కత్థనం తదుపాకర్ణ్య పౌణ్డ్రకస్యాల్పమేధసః
ఉగ్రసేనాదయః సభ్యా ఉచ్చకైర్జహసుస్తదా

10-8-శ్లో.

ఉవాచ దూతం భగవాన్పరిహాసకథామను
ఉత్స్రక్ష్యే మూఢ చిహ్నాని యైస్త్వమేవం వికత్థసే

10-9-శ్లో.

ముఖం తదపిధాయాజ్ఞ కఙ్కగృధ్రవటైర్వృతః
శయిష్యసే హతస్తత్ర భవితా శరణం శునామ్

10-10-శ్లో.

ఇతి దూతస్తమాక్షేపం స్వామినే సర్వమాహరత్
కృష్ణోऽపి రథమాస్థాయ కాశీముపజగామ హ

10-11-శ్లో.

పౌణ్డ్రకోऽపి తదుద్యోగముపలభ్య మహారథః
అక్షౌహిణీభ్యాం సంయుక్తో నిశ్చక్రామ పురాద్ద్రుతమ్

10-12-శ్లో.

తస్య కాశీపతిర్మిత్రం పార్ష్ణిగ్రాహోऽన్వయాన్నృప
అక్షౌహిణీభిస్తిసృభిరపశ్యత్పౌణ్డ్రకం హరిః

10-13-శ్లో.

శఙ్ఖార్యసిగదాశార్ఙ్గ శ్రీవత్సాద్యుపలక్షితమ్
బిభ్రాణం కౌస్తుభమణిం వనమాలావిభూషితమ్

10-14-శ్లో.

కౌశేయవాససీ పీతే వసానం గరుడధ్వజమ్
అమూల్యమౌల్యాభరణం స్ఫురన్మకరకుణ్డలమ్

10-15-శ్లో.

దృష్ట్వా తమాత్మనస్తుల్యం వేషం కృత్రిమమాస్థితమ్
యథా నటం రఙ్గగతం విజహాస భృశం హరీః

10-16-శ్లో.

శులైర్గదాభిః పరిఘైః శక్త్యృష్టిప్రాసతోమరైః
అసిభిః పట్టిశైర్బాణైః ప్రాహరన్నరయో హరిమ్

10-17-శ్లో.

కృష్ణస్తు తత్పౌణ్డ్రకకాశిరాజయోర్
బలం గజస్యన్దనవాజిపత్తిమత్
గదాసిచక్రేషుభిరార్దయద్భృశం
యథా యుగాన్తే హుతభుక్పృథక్ప్రజాః

10-18-శ్లో.

ఆయోధనం తద్రథవాజికుఞ్జర ద్విపత్ఖరోష్ట్రైరరిణావఖణ్డితైః
బభౌ చితం మోదవహం మనస్వినామాక్రీడనం భూతపతేరివోల్బణమ్

10-19-శ్లో.

అథాహ పౌణ్డ్రకం శౌరిర్భో భో పౌణ్డ్రక యద్భవాన్
దూతవాక్యేన మామాహ తాన్యస్త్రణ్యుత్సృజామి తే

10-20-శ్లో.

త్యాజయిష్యేऽభిధానం మే యత్త్వయాజ్ఞ మృషా ధృతమ్
వ్రజామి శరనం తేऽద్య యది నేచ్ఛామి సంయుగమ్

10-21-శ్లో.

ఇతి క్షిప్త్వా శితైర్బాణైర్విరథీకృత్య పౌణ్డ్రకమ్
శిరోऽవృశ్చద్రథాఙ్గేన వజ్రేణేన్ద్రో యథా గిరేః

10-22-శ్లో.

తథా కాశీపతేః కాయాచ్ఛిర ఉత్కృత్య పత్రిభిః
న్యపాతయత్కాశీపుర్యాం పద్మకోశమివానిలః

10-23-శ్లో.

ఏవం మత్సరిణమ్హత్వా పౌణ్డ్రకం ససఖం హరిః
ద్వారకామావిశత్సిద్ధైర్గీయమానకథామృతః

10-24-శ్లో.

స నిత్యం భగవద్ధ్యాన ప్రధ్వస్తాఖిలబన్ధనః
బిభ్రాణశ్చ హరే రాజన్స్వరూపం తన్మయోऽభవత్

10-25-శ్లో.

శిరః పతితమాలోక్య రాజద్వారే సకుణ్డలమ్
కిమిదం కస్య వా వక్త్రమితి సంశిశిరే జనాః

10-26-శ్లో.

రాజ్ఞః కాశీపతేర్జ్ఞాత్వా మహిష్యః పుత్రబాన్ధవాః
పౌరాశ్చ హా హతా రాజన్నాథ నాథేతి ప్రారుదన్

10-27-శ్లో.

సుదక్షిణస్తస్య సుతః కృత్వా సంస్థావిధిం పతేః
నిహత్య పితృహన్తారం యాస్యామ్యపచితిం పితుః

10-28-శ్లో.

ఇత్యాత్మనాభిసన్ధాయ సోపాధ్యాయో మహేశ్వరమ్
సుదక్షిణోऽర్చయామాస పరమేణ సమాధినా

10-29-శ్లో.

ప్రీతోऽవిముక్తే భగవాంస్తస్మై వరమదాద్విభుః
పితృహన్తృవధోపాయం స వవ్రే వరమీప్సితమ్

10-30-శ్లో.

దక్షిణాగ్నిం పరిచర బ్రాహ్మణైః సమమృత్విజమ్
అభిచారవిధానేన స చాగ్నిః ప్రమథైర్వృతః

10-31-శ్లో.

సాధయిష్యతి సఙ్కల్పమబ్రహ్మణ్యే ప్రయోజితః
ఇత్యాదిష్టస్తథా చక్రే కృష్ణాయాభిచరన్వ్రతీ

10-32-శ్లో.

తతోऽగ్నిరుత్థితః కుణ్డాన్మూర్తిమానతిభీషణః
తప్తతామ్రశిఖాశ్మశ్రురఙ్గారోద్గారిలోచనః

10-33-శ్లో.

దంష్ట్రోగ్రభ్రుకుటీదణ్డ కఠోరాస్యః స్వజిహ్వయా
ఆలిహన్సృక్వణీ నగ్నో విధున్వంస్త్రిశిఖం జ్వలత్

10-34-శ్లో.

పద్భ్యాం తాలప్రమాణాభ్యాం కమ్పయన్నవనీతలమ్
సోऽభ్యధావద్వృతో భూతైర్ద్వారకాం ప్రదహన్దిశః

10-35-శ్లో.

తమాభిచారదహనమాయాన్తం ద్వారకౌకసః
విలోక్య తత్రసుః సర్వే వనదాహే మృగా యథా

10-36-శ్లో.

అక్షైః సభాయాం క్రీడన్తం భగవన్తం భయాతురాః
త్రాహి త్రాహి త్రిలోకేశ వహ్నేః ప్రదహతః పురమ్

10-37-శ్లో.

శ్రుత్వా తజ్జనవైక్లవ్యం దృష్ట్వా స్వానాం చ సాధ్వసమ్
శరణ్యః సమ్ప్రహస్యాహ మా భైష్టేత్యవితాస్మ్యహమ్

10-38-శ్లో.

సర్వస్యాన్తర్బహిఃసాక్షీ కృత్యాం మాహేశ్వరీం విభుః
విజ్ఞాయ తద్విఘాతార్థం పార్శ్వస్థం చక్రమాదిశత్

10-39-శ్లో.

తత్సూర్యకోటిప్రతిమం సుదర్శనం జాజ్వల్యమానం ప్రలయానలప్రభమ్
స్వతేజసా ఖం కకుభోऽథ రోదసీ చక్రం ముకున్దాస్త్రం అథాగ్నిమార్దయత్

10-40-శ్లో.

కృత్యానలః ప్రతిహతః స రథాన్గపాణేర్
అస్త్రౌజసా స నృప భగ్నముఖో నివృత్తః
వారాణసీం పరిసమేత్య సుదక్షిణం తం
సర్త్విగ్జనం సమదహత్స్వకృతోऽభిచారః

10-41-శ్లో.

చక్రం చ విష్ణోస్తదనుప్రవిష్టం వారానసీం సాట్టసభాలయాపణామ్
సగోపురాట్టాలకకోష్ఠసఙ్కులాం సకోశహస్త్యశ్వరథాన్నశాలినీమ్

10-42-శ్లో.

దగ్ధ్వా వారాణసీం సర్వాం విష్ణోశ్చక్రం సుదర్శనమ్
భూయః పార్శ్వముపాతిష్ఠత్కృష్ణస్యాక్లిష్టకర్మణః

10-43-శ్లో.

య ఏనం శ్రావయేన్మర్త్య ఉత్తమఃశ్లోకవిక్రమమ్
సమాహితో వా శృణుయాత్సర్వపాపైః ప్రముచ్యతే

10-44-శ్లో.

అధ్యాయము – 67