పోతన తెలుగు భాగవతము

పోతన తెలుగు భాగవతము

దశమ స్కంధము : అధ్యాయము – 58

  •  
  •  
  •  

10-1-శ్లో.
  • ఉపకరణాలు:
  •  
  •  
  •  

శ్రీశుక ఉవాచ
ఏకదా పాణ్డవాన్ద్రష్టుం ప్రతీతాన్పురుషోత్తమః
ఇన్ద్రప్రస్థం గతః శృమాన్యుయుధానాదిభిర్వృతః

10-2-శ్లో.
  • ఉపకరణాలు:
  •  
  •  
  •  

దృష్ట్వా తమాగతం పార్థా ముకున్దమఖిలేశ్వరమ్
ఉత్తస్థుర్యుగపద్వీరాః ప్రాణా ముఖ్యమివాగతమ్

10-3-శ్లో.
  • ఉపకరణాలు:
  •  
  •  
  •  

పరిష్వజ్యాచ్యుతం వీరా అఙ్గసఙ్గహతైనసః
సానురాగస్మితం వక్త్రం వీక్ష్య తస్య ముదం యయుః

10-4-శ్లో.
  • ఉపకరణాలు:
  •  
  •  
  •  

యుధిష్ఠిరస్య భీమస్య కృత్వా పాదాభివన్దనమ్
ఫాల్గునం పరిరభ్యాథ యమాభ్యాం చాభివన్దితః

10-5-శ్లో.
  • ఉపకరణాలు:
  •  
  •  
  •  

పరమాసన ఆసీనం కృష్ణా కృష్ణమనిన్దితా
నవోఢా వ్రీడితా కిఞ్చిచ్ఛనైరేత్యాభ్యవన్దత

10-6-శ్లో.
  • ఉపకరణాలు:
  •  
  •  
  •  

తథైవ సాత్యకిః పార్థైః పూజితశ్చాభివన్దితః
నిషసాదాసనేऽన్యే చ పూజితాః పర్యుపాసత

10-7-శ్లో.
  • ఉపకరణాలు:
  •  
  •  
  •  

పృథామ్సమాగత్య కృతాభివాదనస్తయాతిహార్దార్ద్రదృశాభిరమ్భితః
ఆపృష్టవాంస్తాం కుశలం సహస్నుషాం పితృష్వసారమ్పరిపృష్టబాన్ధవః

10-8-శ్లో.
  • ఉపకరణాలు:
  •  
  •  
  •  

తమాహ ప్రేమవైక్లవ్య రుద్ధకణ్ఠాశ్రులోచనా
స్మరన్తీ తాన్బహూన్క్లేశాన్క్లేశాపాయాత్మదర్శనమ్

10-9-శ్లో.
  • ఉపకరణాలు:
  •  
  •  
  •  

తదైవ కుశలం నోऽభూత్సనాథాస్తే కృతా వయమ్
జ్ఞతీన్నః స్మరతా కృష్ణ భ్రాతా మే ప్రేషితస్త్వయా

10-10-శ్లో.
  • ఉపకరణాలు:
  •  
  •  
  •  

న తేऽస్తి స్వపరభ్రాన్తిర్విశ్వస్య సుహృదాత్మనః
తథాపి స్మరతాం శశ్వత్క్లేశాన్హంసి హృది స్థితః

10-11-శ్లో.
  • ఉపకరణాలు:
  •  
  •  
  •  

యుధిష్ఠిర ఉవాచ
కిం న ఆచరితం శ్రేయో న వేదాహమధీశ్వర
యోగేశ్వరాణాం దుర్దర్శో యన్నో దృష్టః కుమేధసామ్

10-12-శ్లో.
  • ఉపకరణాలు:
  •  
  •  
  •  

ఇతి వై వార్షికాన్మాసాన్రాజ్ఞా సోऽభ్యర్థితః సుఖమ్
జనయన్నయనానన్దమిన్ద్రప్రస్థౌకసాం విభుః

10-13-శ్లో.
  • ఉపకరణాలు:
  •  
  •  
  •  

ఏకదా రథమారుహ్య విజయో వానరధ్వజమ్
గాణ్డీవం ధనురాదాయ తూణౌ చాక్షయసాయకౌ

10-14-శ్లో.
  • ఉపకరణాలు:
  •  
  •  
  •  

సాకం కృష్ణేన సన్నద్ధో విహర్తుం విపినం మహత్
బహువ్యాలమృగాకీర్ణం ప్రావిశత్పరవీరహా

10-15-శ్లో.
  • ఉపకరణాలు:
  •  
  •  
  •  

తత్రావిధ్యచ్ఛరైర్వ్యాఘ్రాన్శూకరాన్మహిషాన్రురూన్
శరభాన్గవయాన్ఖడ్గాన్హరిణాన్శశశల్లకాన్

10-16-శ్లో.
  • ఉపకరణాలు:
  •  
  •  
  •  

తాన్నిన్యుః కిఙ్కరా రాజ్ఞే మేధ్యాన్పర్వణ్యుపాగతే
తృట్పరీతః పరిశ్రాన్తో బిభత్సుర్యమునామగాత్

10-17-శ్లో.
  • ఉపకరణాలు:
  •  
  •  
  •  

తత్రోపస్పృశ్య విశదం పీత్వా వారి మహారథౌ
కృష్ణౌ దదృశతుః కన్యాం చరన్తీం చారుదర్శనామ్

10-18-శ్లో.
  • ఉపకరణాలు:
  •  
  •  
  •  

తామాసాద్య వరారోహాం సుద్విజాం రుచిరాననామ్
పప్రచ్ఛ ప్రేషితః సఖ్యా ఫాల్గునః ప్రమదోత్తమామ్

10-19-శ్లో.
  • ఉపకరణాలు:
  •  
  •  
  •  

కా త్వం కస్యాసి సుశ్రోణి కుతో వా కిం చికీర్షసి
మన్యే త్వాం పతిమిచ్ఛన్తీం సర్వం కథయ శోభనే

10-20-శ్లో.
  • ఉపకరణాలు:
  •  
  •  
  •  

శ్రీకాలిన్ద్యువాచ
అహం దేవస్య సవితుర్దుహితా పతిమిచ్ఛతీ
విష్ణుం వరేణ్యం వరదం తపః పరమమాస్థితః

10-21-శ్లో.
  • ఉపకరణాలు:
  •  
  •  
  •  

నాన్యం పతిం వృణే వీర తమృతే శ్రీనికేతనమ్
తుష్యతాం మే స భగవాన్ముకున్దోऽనాథసంశ్రయః

10-22-శ్లో.
  • ఉపకరణాలు:
  •  
  •  
  •  

కాలిన్దీతి సమాఖ్యాతా వసామి యమునాజలే
నిర్మితే భవనే పిత్రా యావదచ్యుతదర్శనమ్

10-23-శ్లో.
  • ఉపకరణాలు:
  •  
  •  
  •  

తథావదద్గుడాకేశో వాసుదేవాయ సోऽపి తామ్
రథమారోప్య తద్విద్వాన్ధర్మరాజముపాగమత్

10-24-శ్లో.
  • ఉపకరణాలు:
  •  
  •  
  •  

యదైవ కృష్ణః సన్దిష్టః పార్థానాం పరమాద్బుతమ్
కారయామాస నగరం విచిత్రం విశ్వకర్మణా

10-25-శ్లో.
  • ఉపకరణాలు:
  •  
  •  
  •  

భగవాంస్తత్ర నివసన్స్వానాం ప్రియచికీర్షయా
అగ్నయే ఖాణ్డవం దాతుమర్జునస్యాస సారథిః

10-26-శ్లో.
  • ఉపకరణాలు:
  •  
  •  
  •  

సోऽగ్నిస్తుష్టో ధనురదాద్ధయాన్శ్వేతాన్రథం నృప
అర్జునాయాక్షయౌ తూణౌ వర్మ చాభేద్యమస్త్రిభిః

10-27-శ్లో.
  • ఉపకరణాలు:
  •  
  •  
  •  

మయశ్చ మోచితో వహ్నేః సభాం సఖ్య ఉపాహరత్
యస్మిన్దుర్యోధనస్యాసీజ్జలస్థలదృశిభ్రమః

10-28-శ్లో.
  • ఉపకరణాలు:
  •  
  •  
  •  

స తేన సమనుజ్ఞాతః సుహృద్భిశ్చానుమోదితః
ఆయయౌ ద్వారకాం భూయః సాత్యకిప్రమఖైర్వృతః

10-29-శ్లో.
  • ఉపకరణాలు:
  •  
  •  
  •  

అథోపయేమే కాలిన్దీం సుపుణ్యర్త్వృక్ష ఊర్జితే
వితన్వన్పరమానన్దం స్వానాం పరమమఙ్గలః

10-30-శ్లో.
  • ఉపకరణాలు:
  •  
  •  
  •  

విన్ద్యానువిన్ద్యావావన్త్యౌ దుర్యోధనవశానుగౌ
స్వయంవరే స్వభగినీం కృష్ణే సక్తాం న్యషేధతామ్

10-31-శ్లో.
  • ఉపకరణాలు:
  •  
  •  
  •  

రాజాధిదేవ్యాస్తనయాం మిత్రవిన్దాం పితృష్వసుః
ప్రసహ్య హృతవాన్కృష్ణో రాజన్రాజ్ఞాం ప్రపశ్యతామ్

10-32-శ్లో.
  • ఉపకరణాలు:
  •  
  •  
  •  

నగ్నజిన్నామ కౌశల్య ఆసీద్రాజాతిధార్మికః
తస్య సత్యాభవత్కన్యా దేవీ నాగ్నజితీ నృప

10-33-శ్లో.
  • ఉపకరణాలు:
  •  
  •  
  •  

న తాం శేకుర్నృపా వోఢుమజిత్వా సప్తగోవృషాన్
తీక్ష్ణశృఙ్గాన్సుదుర్ధర్షాన్వీర్యగన్ధాసహాన్ఖలాన్

10-34-శ్లో.
  • ఉపకరణాలు:
  •  
  •  
  •  

తాం శ్రుత్వా వృషజిల్లభ్యాం భగవాన్సాత్వతాం పతిః
జగామ కౌశల్యపురం సైన్యేన మహతా వృతః

10-35-శ్లో.
  • ఉపకరణాలు:
  •  
  •  
  •  

స కోశలపతిః ప్రీతః ప్రత్యుత్థానాసనాదిభిః
అర్హణేనాపి గురుణా పూజయన్ప్రతినన్దితః

10-36-శ్లో.
  • ఉపకరణాలు:
  •  
  •  
  •  

వరం విలోక్యాభిమతం సమాగతం నరేన్ద్రకన్యా చకమే రమాపతిమ్
భూయాదయం మే పతిరాశిషోऽనలః కరోతు సత్యా యది మే ధృతో వ్రతః

10-37-శ్లో.
  • ఉపకరణాలు:
  •  
  •  
  •  

యత్పాదపఙ్కజరజః శిరసా బిభర్తి
శృరబ్యజః సగిరిశః సహ లోకపాలైః
లీలాతనుః స్వకృతసేతుపరీప్సయా యః
కాలేऽదధత్స భగవాన్మమ కేన తుష్యేత్

10-38-శ్లో.
  • ఉపకరణాలు:
  •  
  •  
  •  

అర్చితం పునరిత్యాహ నారాయణ జగత్పతే
ఆత్మానన్దేన పూర్ణస్య కరవాణి కిమల్పకః

10-39-శ్లో.
  • ఉపకరణాలు:
  •  
  •  
  •  

శ్రీశుక ఉవాచ
తమాహ భగవాన్హృష్టః కృతాసనపరిగ్రహః
మేఘగమ్భీరయా వాచా సస్మితం కురునన్దన

10-40-శ్లో.
  • ఉపకరణాలు:
  •  
  •  
  •  

శ్రీభగవానువాచ
నరేన్ద్ర యాచ్ఞా కవిభిర్విగర్హితా రాజన్యబన్ధోర్నిజధర్మవర్తినః
తథాపి యాచే తవ సౌహృదేచ్ఛయా కన్యాం త్వదీయాం న హి శుల్కదా వయమ్

10-41-శ్లో.
  • ఉపకరణాలు:
  •  
  •  
  •  

శ్రీరాజోవాచ
కోऽన్యస్తేऽభ్యధికో నాథ కన్యావర ఇహేప్సితః
గుణైకధామ్నో యస్యాఙ్గే శ్రీర్వసత్యనపాయినీ

10-42-శ్లో.
  • ఉపకరణాలు:
  •  
  •  
  •  

కిన్త్వస్మాభిః కృతః పూర్వం సమయః సాత్వతర్షభ
పుంసాం వీర్యపరీక్షార్థం కన్యావరపరీప్సయా

10-43-శ్లో.
  • ఉపకరణాలు:
  •  
  •  
  •  

సప్తైతే గోవృషా వీర దుర్దాన్తా దురవగ్రహాః
ఏతైర్భగ్నాః సుబహవో భిన్నగాత్రా నృపాత్మజాః

10-44-శ్లో.
  • ఉపకరణాలు:
  •  
  •  
  •  

యదిమే నిగృహీతాః స్యుస్త్వయైవ యదునన్దన
వరో భవానభిమతో దుహితుర్మే శ్రియఃపతే

10-45-శ్లో.
  • ఉపకరణాలు:
  •  
  •  
  •  

ఏవం సమయమాకర్ణ్య బద్ధ్వా పరికరం ప్రభుః
ఆత్మానం సప్తధా కృత్వా న్యగృహ్ణాల్లీలయైవ తాన్

10-46-శ్లో.
  • ఉపకరణాలు:
  •  
  •  
  •  

బద్ధ్వా తాన్దామభిః శౌరిర్భగ్నదర్పాన్హతౌజసః
వ్యకర్సల్లీలయా బద్ధాన్బాలో దారుమయాన్యథా

10-47-శ్లో.
  • ఉపకరణాలు:
  •  
  •  
  •  

తతః ప్రీతః సుతాం రాజా దదౌ కృష్ణాయ విస్మితః
తాం ప్రత్యగృహ్ణాద్భగవాన్విధివత్సదృశీం ప్రభుః

10-48-శ్లో.
  • ఉపకరణాలు:
  •  
  •  
  •  

రాజపత్న్యశ్చ దుహితుః కృష్ణం లబ్ధ్వా ప్రియం పతిమ్
లేభిరే పరమానన్దం జాతశ్చ పరమోత్సవః

10-49-శ్లో.
  • ఉపకరణాలు:
  •  
  •  
  •  

శఙ్ఖభేర్యానకా నేదుర్గీతవాద్యద్విజాశిషః
నరా నార్యః ప్రముదితాః సువాసఃస్రగలఙ్కృతాః

10-50-శ్లో.
  • ఉపకరణాలు:
  •  
  •  
  •  

దశధేనుసహస్రాణి పారిబర్హమదాద్విభుః
యువతీనాం త్రిసాహస్రం నిష్కగ్రీవసువాససమ్

10-51-శ్లో.
  • ఉపకరణాలు:
  •  
  •  
  •  

నవనాగసహస్రాణి నాగాచ్ఛతగుణాన్రథాన్
రథాచ్ఛతగుణానశ్వానశ్వాచ్ఛతగుణాన్నరాన్

10-52-శ్లో.
  • ఉపకరణాలు:
  •  
  •  
  •  

దమ్పతీ రథమారోప్య మహత్యా సేనయా వృతౌ
స్నేహప్రక్లిన్నహృదయో యాపయామాస కోశలః

10-53-శ్లో.
  • ఉపకరణాలు:
  •  
  •  
  •  

శ్రుత్వైతద్రురుధుర్భూపా నయన్తం పథి కన్యకామ్
భగ్నవీర్యాః సుదుర్మర్షా యదుభిర్గోవృషైః పురా

10-54-శ్లో.
  • ఉపకరణాలు:
  •  
  •  
  •  

తానస్యతః శరవ్రాతాన్బన్ధుప్రియకృదర్జునః
గాణ్డీవీ కాలయామాస సింహః క్షుద్రమృగానివ

10-55-శ్లో.
  • ఉపకరణాలు:
  •  
  •  
  •  

పారిబర్హముపాగృహ్య ద్వారకామేత్య సత్యయా
రేమే యదూనామృషభో భగవాన్దేవకీసుతః

10-56-శ్లో.
  • ఉపకరణాలు:
  •  
  •  
  •  

శ్రుతకీర్తేః సుతాం భద్రాం ఉపయేమే పితృష్వసుః
కైకేయీం భ్రాతృభిర్దత్తాం కృష్ణః సన్తర్దనాదిభిః

10-57-శ్లో.
  • ఉపకరణాలు:
  •  
  •  
  •  

సుతాం చ మద్రాధిపతేర్లక్ష్మణాం లక్షణైర్యతామ్
స్వయంవరే జహారైకః స సుపర్ణః సుధామివ

10-58-శ్లో.
  • ఉపకరణాలు:
  •  
  •  
  •  

అన్యాశ్చైవంవిధా భార్యాః కృష్ణస్యాసన్సహస్రశః
భౌమం హత్వా తన్నిరోధాదాహృతాశ్చారుదర్శనాః

10-59-శ్లో.
  • ఉపకరణాలు:
  •  
  •  
  •  

అధ్యాయము – 59