దశమ స్కంధము : అధ్యాయము – 56
- ఉపకరణాలు:
శ్రీశుక ఉవాచ
సత్రాజితః స్వతనయాం కృష్ణాయ కృతకిల్బిషః
స్యమన్తకేన మణినా స్వయముద్యమ్య దత్తవాన్
- ఉపకరణాలు:
శ్రీరాజోవాచ
సత్రాజితః కిమకరోద్బ్రహ్మన్కృష్ణస్య కిల్బిషః
స్యమన్తకః కుతస్తస్య కస్మాద్దత్తా సుతా హరేః
- ఉపకరణాలు:
శ్రీశుక ఉవాచ
ఆసీత్సత్రాజితః సూర్యో భక్తస్య పరమః సఖా
ప్రీతస్తస్మై మణిం ప్రాదాత్స చ తుష్టః స్యమన్తకమ్
- ఉపకరణాలు:
స తం బిభ్రన్మణిం కణ్ఠే భ్రాజమానో యథా రవిః
ప్రవిష్టో ద్వారకాం రాజన్తేజసా నోపలక్షితః
- ఉపకరణాలు:
తం విలోక్య జనా దూరాత్తేజసా ముష్టదృష్టయః
దీవ్యతేऽక్షైర్భగవతే శశంసుః సూర్యశఙ్కితాః
- ఉపకరణాలు:
నారాయణ నమస్తేऽస్తు శఙ్ఖచక్రగదాధర
దామోదరారవిన్దాక్ష గోవిన్ద యదునన్దన
- ఉపకరణాలు:
ఏష ఆయాతి సవితా త్వాం దిదృక్షుర్జగత్పతే
ముష్ణన్గభస్తిచక్రేణ నృణాం చక్షూంషి తిగ్మగుః
- ఉపకరణాలు:
నన్వన్విచ్ఛన్తి తే మార్గం త్రీలోక్యాం విబుధర్షభాః
జ్ఞాత్వాద్య గూఢం యదుషు ద్రష్టుం త్వాం యాత్యజః ప్రభో
- ఉపకరణాలు:
శ్రీశుక ఉవాచ
నిశమ్య బాలవచనం ప్రహస్యామ్బుజలోచనః
ప్రాహ నాసౌ రవిర్దేవః సత్రాజిన్మణినా జ్వలన్
- ఉపకరణాలు:
సత్రాజిత్స్వగృహం శ్రీమత్కృతకౌతుకమఙ్గలమ్
ప్రవిశ్య దేవసదనే మణిం విప్రైర్న్యవేశయత్
- ఉపకరణాలు:
దినే దినే స్వర్ణభారానష్టౌ స సృజతి ప్రభో
దుర్భిక్షమార్యరిష్టాని సర్పాధివ్యాధయోऽశుభాః
న సన్తి మాయినస్తత్ర యత్రాస్తేऽభ్యర్చితో మణిః
- ఉపకరణాలు:
స యాచితో మణిం క్వాపి యదురాజాయ శౌరిణా
నైవార్థకాముకః ప్రాదాద్యాచ్ఞాభఙ్గమతర్కయన్
- ఉపకరణాలు:
తమేకదా మణిం కణ్ఠే ప్రతిముచ్య మహాప్రభమ్
ప్రసేనో హయమారుహ్య మృగాయాం వ్యచరద్వనే
- ఉపకరణాలు:
ప్రసేనం సహయం హత్వా మణిమాచ్ఛిద్య కేశరీ
గిరిం విశన్జామ్బవతా నిహతో మణిమిచ్ఛతా
- ఉపకరణాలు:
సోऽపి చక్రే కుమారస్య మణిం క్రీడనకం బిలే
అపశ్యన్భ్రాతరం భ్రాతా సత్రాజిత్పర్యతప్యత
- ఉపకరణాలు:
ప్రాయః కృష్ణేన నిహతో మణిగ్రీవో వనం గతః
భ్రాతా మమేతి తచ్ఛ్రుత్వా కర్ణే కర్ణేऽజపన్జనాః
- ఉపకరణాలు:
భగవాంస్తదుపశ్రుత్య దుర్యశో లిప్తమాత్మని
మార్ష్టుం ప్రసేనపదవీమన్వపద్యత నాగరైః
- ఉపకరణాలు:
హతం ప్రసేనం అశ్వం చ వీక్ష్య కేశరిణా వనే
తం చాద్రిపృష్ఠే నిహతమృక్షేణ దదృశుర్జనాః
- ఉపకరణాలు:
ఋక్షరాజబిలం భీమమన్ధేన తమసావృతమ్
ఏకో వివేశ భగవానవస్థాప్య బహిః ప్రజాః
- ఉపకరణాలు:
తత్ర దృష్ట్వా మణిప్రేష్ఠం బాలక్రీడనకం కృతమ్
హర్తుం కృతమతిస్తస్మిన్నవతస్థేऽర్భకాన్తికే
- ఉపకరణాలు:
తమపూర్వం నరం దృష్ట్వా ధాత్రీ చుక్రోశ భీతవత్
తచ్ఛ్రుత్వాభ్యద్రవత్క్రుద్ధో జామ్బవాన్బలినాం వరః
- ఉపకరణాలు:
స వై భగవతా తేన యుయుధే స్వామీనాత్మనః
పురుషమ్ప్రాకృతం మత్వా కుపితో నానుభావవిత్
- ఉపకరణాలు:
ద్వన్ద్వయుద్ధం సుతుములముభయోర్విజిగీషతోః
ఆయుధాశ్మద్రుమైర్దోర్భిః క్రవ్యార్థే శ్యేనయోరివ
- ఉపకరణాలు:
ఆసీత్తదష్టావిమ్శాహమితరేతరముష్టిభిః
వజ్రనిష్పేషపరుషైరవిశ్రమమహర్నిశమ్
- ఉపకరణాలు:
కృష్ణముష్టివినిష్పాత నిష్పిష్టాఙ్గోరు బన్ధనః
క్షీణసత్త్వః స్విన్నగాత్రస్తమాహాతీవ విస్మితః
- ఉపకరణాలు:
జానే త్వాం సఋవభూతానాం ప్రాణ ఓజః సహో బలమ్
విష్ణుం పురాణపురుషం ప్రభవిష్ణుమధీశ్వరమ్
- ఉపకరణాలు:
త్వం హి విశ్వసృజామ్స్రష్టా సృష్టానామపి యచ్చ సత్
కాలః కలయతామీశః పర ఆత్మా తథాత్మనామ్
- ఉపకరణాలు:
యస్యేషదుత్కలితరోషకటాక్షమోక్షైర్
వర్త్మాదిశత్క్షుభితనక్రతిమిఙ్గలోऽబ్ధిః
సేతుః కృతః స్వయశ ఉజ్జ్వలితా చ లఙ్కా
రక్షఃశిరాంసి భువి పేతురిషుక్షతాని
- ఉపకరణాలు:
ఇతి విజ్ఞాతవీజ్ఞానమృక్షరాజానమచ్యుతః
వ్యాజహార మహారాజ భగవాన్దేవకీసుతః
- ఉపకరణాలు:
అభిమృశ్యారవిన్దాక్షః పాణినా శంకరేణ తమ్
కృపయా పరయా భక్తం మేఘగమ్భీరయా గిరా
- ఉపకరణాలు:
మణిహేతోరిహ ప్రాప్తా వయమృక్షపతే బిలమ్
మిథ్యాభిశాపం ప్రమృజన్నాత్మనో మణినామునా
- ఉపకరణాలు:
ఇత్యుక్తః స్వాం దుహితరం కన్యాం జామ్బవతీం ముదా
అర్హణార్థమ్స మణినా కృష్ణాయోపజహార హ
- ఉపకరణాలు:
అదృష్ట్వా నిర్గమం శౌరేః ప్రవిష్టస్య బిలం జనాః
ప్రతీక్ష్య ద్వాదశాహాని దుఃఖితాః స్వపురం యయుః
- ఉపకరణాలు:
నిశమ్య దేవకీ దేవీ రక్మిణ్యానకదున్దుభిః
సుహృదో జ్ఞాతయోऽశోచన్బిలాత్కృష్ణమనిర్గతమ్
- ఉపకరణాలు:
సత్రాజితం శపన్తస్తే దుఃఖితా ద్వారకౌకసః
ఉపతస్థుశ్చన్ద్రభాగాం దుర్గాం కృష్ణోపలబ్ధయే
- ఉపకరణాలు:
తేషాం తు దేవ్యుపస్థానాత్ప్రత్యాదిష్టాశిషా స చ
ప్రాదుర్బభూవ సిద్ధార్థః సదారో హర్షయన్హరిః
- ఉపకరణాలు:
ఉపలభ్య హృషీకేశం మృతం పునరివాగతమ్
సహ పత్న్యా మణిగ్రీవం సర్వే జాతమహోత్సవాః
- ఉపకరణాలు:
సత్రాజితం సమాహూయ సభాయాం రాజసన్నిధౌ
ప్రాప్తిం చాఖ్యాయ భగవాన్మణిం తస్మై న్యవేదయత్
- ఉపకరణాలు:
స చాతివ్రీడితో రత్నం గృహీత్వావాఙ్ముఖస్తతః
అనుతప్యమానో భవనమగమత్స్వేన పాప్మనా
- ఉపకరణాలు:
సోऽనుధ్యాయంస్తదేవాఘం బలవద్విగ్రహాకులః
కథం మృజామ్యాత్మరజః ప్రసీదేద్వాచ్యుతః కథమ్
- ఉపకరణాలు:
కిమ్కృత్వా సాధు మహ్యం స్యాన్న శపేద్వా జనో యథా
అదీర్ఘదర్శనం క్షుద్రం మూఢం ద్రవిణలోలుపమ్
- ఉపకరణాలు:
దాస్యే దుహితరం తస్మై స్త్రీరత్నం రత్నమేవ చ
ఉపాయోऽయం సమీచీనస్తస్య శాన్తిర్న చాన్యథా
- ఉపకరణాలు:
ఏవం వ్యవసితో బుద్ధ్యా సత్రాజిత్స్వసుతాం శుభామ్
మణిం చ స్వయముద్యమ్య కృష్ణాయోపజహార హ
- ఉపకరణాలు:
తాం సత్యభామాం భగవానుపయేమే యథావిధి
బహుభిర్యాచితాం శీల రూపౌదార్యగుణాన్వితామ్
- ఉపకరణాలు:
భగవానాహ న మణిం ప్రతీచ్ఛామో వయం నృప
తవాస్తాం దేవభక్తస్య వయం చ ఫలభాగినః
- ఉపకరణాలు:
అధ్యాయము – 57