తృతీయ స్కంధము : వరహావతారుని ఎదిరించుట
- ఉపకరణాలు:
అని యాశ్చర్య భయంబులు
దన మనమునఁ దొంగిలింపఁ దనుజాధిపుఁ డి
ట్లనియెన్ భీకరసూకర
తనువొంది చరించు దనుజ దర్పావహుతోన్
టీకా:
అని = అని; ఆశ్చర్య = ఆశ్చర్యము; భయంబులున్ = భయములు; తన = తన యొక్క; మనంబునన్ = మనసుని; దొంగిలింపన్ = దోచుకోగా; దనుజ = రాక్షస; అధిపుడు = రాజు; ఇట్లు = ఈ విధముగ; అనియెన్ = పలికెను; భీకర = భయంకరమైన; సూకర = వరాహ; తనువున్ = దేహమును; పొంది = ధరించి; చరించు = తిరుగుతున్న; దనుజదర్పావహు = విష్ణుమూర్తి {దనుజదర్పావహుడు - దనుజ (రాక్షసు)ల దర్పము (గర్వము) ను అపహరించువాడు, హరి}; తోన్ = తోటి.
భావము:
అని ఆశ్చర్య భయాలు తన మనస్సులో అతిశయించగా హిరణ్యాక్షుడు భయంకర వరాహ రూపాన్ని ధరించిన రాక్షస గర్వ నాశకుడైన ఆ హరితో ఇలా అన్నాడు