ద్విపదభాగవతం - కల్యాణకాండ : రుక్మిణి తనయన్నను విడిచిపుచ్చుమని శ్రీకృష్ణునిఁ బ్రార్ధించుట
“అక్కటా! ఈతఁడు యంతరంబెఱుఁగ
కిక్కడ నీచేత నిటుగట్టువడియె
వెరగొప్ప నన్నుఁ దావిడిపింతు ననుచు
నరుదెంచినాఁడు నాయగ్రజుఁ డితఁడు
కలనిలోఁ బడువారిఁ గావక యిట్లు
పొలువనేతలు సేయఁ బోలునే యకట! 230
నన్ను మన్నించి క్రన్ననఁ బ్రాణమెత్తు
మన్ని దప్పులుఁ గాచి యతనిఁ బోవిడువు;”
మని పల్కు నంతలో నడరి సీరియును
జనుదెంచె వైదర్భి సైన్యంబు బఱచి.
హరిఁ గూడుకొని సీరి యరదంబు మీఁదఁ
దురపిల్లు రుక్మి నుదురుఁ జూచి పలికె.