ద్విపదభాగవతం - కల్యాణకాండ : రుక్మిణీదేవి సౌధవర్ణనము
ఈభంగి నొకనాఁడు యిందిరావిభుఁడు
సౌభాగ్య రుక్మిణీ సదనంబులోనఁ
జూపట్టు వైడూర్య సోపానములును
నేపార నీలాల నెనయు నరుంగుఁ
బసిఁడి కంభంబుల పట్టపుసాల
లసమాన బహుదీప్తి నడుకు వుత్తళులు
మరకత రుచిఁబోల్చు మదురులనొప్పు
సిరిమాఱు గచ్చు సేసిన కుడ్యములును
గరమొప్పు నవచంద్రకాంతజలములు
కరిదంతముల నవకంబైన తలుపు
పగడంపు గడపలు పసిఁడి బోదెలును
నిగిడిన వజ్రాల నెగడిన గడియ
మేలైన కెంబట్టు మేల్కట్టు మెఱయు
నాల వట్టంబును నడపసంబెళయుఁ
గస్తూరి గంధ మంగళ ధూపములును
శస్తమై తగు మల్లసాలలు నొప్పె.