ద్విపదభాగవతం - కల్యాణకాండ : దొమ్మి యుద్ధము
పనిగొని రుద్రుఁడు “బాణుని వీఁడు
గొనగొని నేఁగాచికొని యుండ నిట్లు
పగతురచే బాధపడుటేట్లుజూతు
నిగిడి సైన్యంబుల నీరుగావింతు”
ననిపల్కి పటహమహారాన మొలయ
వినుతలీలలు మహావృషభంబు నెక్కి
శూలపినాకాదిసునిసితాయుధము
లోలోన భయదనలోర్చులుం బర్వ
జ్వాలకరాళవిశాలరావముల
ఫాలనేత్రుఁడు మహాప్రమథులుఁ గొలువ
బహుభూతభేతాళపైశాచకోట్లు
నహితభీకరలీల నలమిఁతో నడువ
గినిసి ముందఱఁగార్తికేయుఁడేతేరఁ
జనుదెంచి యాదవ సైన్యంబుఁ దాకె.
సాత్యకి బాణుతో సమరంబు సేసె;
నత్యునగ్రత వీరులందఱు దొరసి
వారువీరన కెల్లవారునుఁ బేర్చి
పోరాడిరమరులద్భుతమంది చూడ 900
నప్పుడు బ్రహ్మాదులంతరిక్షమునఁ
దప్పక నిల్చి యుద్ధముఁ జూచుచుండ
పరశుతో మరగ దాపట్టిసముసల
పరిఘముద్గరశరప్రాశఖడ్గముల
ఘనరోషములతోడ గదిలిశాత్రవులఁ
దునిమియు నలిచియు దూరనేయుచును
బటురౌద్రయోధనిర్భరలీల మెఱయఁ
జటులత నిరువాగు సరియకాఁబోర
సడలెను హయములు సామజంబులును
పడియె తేరులు వీరభటకోటి గడసె.
కాలువలైన రక్తప్రవాహములఁ
గీలాలములఁ గన్నుగిలుపుచు నవ్వు
తలలు తామరలు; నుద్ధతమాంసమడును;
తలమెదళ్ళు పులినతట ప్రదేశములు;
[తల మెదళ్ళు పెండెలు గట్టుపులిన దేశములు]
పెనుపారఁ బ్రేవులు బిససమూహములు;
తనరారు కేశసంతతిశైవలంబు;
రాలినమణికోటి రక్తోత్పలంబు;
నీలాబ్జసరములు నెలకొన్న తేంట్లు;
ఘనరథాంగంబులు కమఠసంఘములు;
ఒనరు వింజామరలొగి మరాళములు; 910
తలకొన్న భూతభేతాళవర్గంబు
జలపక్షి నివహమై జలకేళిఁదేలి
కొలను చందంబునఁ గొమరగ్గలించి
కలను జూడగ భయంకరమయ్యెనపుడు!
ప్రమదబలంబులు పటుశక్తి మెఱసి
కమలనాభుని సేనఁగారింపఁదొడఁగె
విద్యుత్ప్రభాభాస వివిధబాణములు