పోతన తెలుగు భాగవతము

ద్విపదభాగవతం - కల్యాణకాండ : బలరాముఁడు యుద్ధము చేయుట

• Print
• Email
• Share on FaceBook
• Share on Twitter

గమలాక్షు ననిచి యక్కామపాలుండు
సమరసన్నుద్ధుఁడై చతురత నిలిచి
యాదవనికరంబు యత్యుగ్రసింహ
నాదంబుతోఁ దూర్యనాదంబు లొలియఁ
దలకొని యొండొంటిఁదార్కొని మంట
లొలుక కైదువల సముద్ధతిఁ జూపి
యరదంబునరదంబు నశ్వమశ్వంబు
కరిఁగరి కాల్వురుఁ గాల్వురుఁ దొడరి
యీరసంబునముట్టి యిరువాఁగుగిట్టి
పోరాడ సురులకద్భుతముగా నిగుడి
విలుకాండ్లు గవిసి దోర్వీర్యంబు మెఱసి
పలునారసములు నిర్బరముగా నేయ
నలువుర నేవుర నలినుచ్చిపారఁ
దలలొక్కపెట్టు భూతలముల రాల్చి
రథములఁ జెక్కి సారథుల నుక్కడఁచి
రథరథ్యనివహంబు రణభూమిఁగూల్చి
కరులఁ జెండాడి పుష్కరములఁదునిమి
హరుల విదారించి యాశ్వికోత్తములఁ      170
బ్రాణంబు లెడలించి బాణసనములఁ
దూణీరములఁ ద్రుంచి దొరలగీటణఁచి, 
వారువీరనకెల్ల వారికాయములఁ
దోరంపురుధిరంబుఁ దోఁగించిరంత; 
దొంకెనపోటులు దూరఁగానాటి
బింకంబు లెడలక బెరయు వీరులును
గోరి పెక్కండ్రను గుదులుగాఁ గ్రుచ్చి
పేరువారెడునట్టి బిరుదులువారు; 
తల త్రెవ్విపడియు ముందఱఁ దమ్ముఁ బొడుచు
బలియులనొప్పించి పడియెడువారు; 
శిరములు పగిలినఁ జిందెలఁ గట్టి
సరకుసేయకఁ బోరుసల్పు లావరులు; 
దొఱసిన వేటాడితునుకలుగాఁగ
యఱిముఱిఁ దెగవేసి యార్చు రాహుతులు; 
సామజంబునడుము సరిగుచ్చిపారఁ
దోమరంబుల వ్రేసి త్రుళ్ళు మావుతులు; 
లవణిసారించి పల్లమును గుఱ్ఱమును
రవుతును జిదియ భోరన మ్రోచువారు; 
ఱోలుచు నెత్తురుఱొంపిలో మునిఁగి
కాలార్పనేరని కరితురంగములు;      180
దారగండులు వడి ధరణిపై వ్రాలు
తేరులు వెసనోళ్ళుఁ దెఱచు పీనుగలుఁ
జదిసిన కండలు జదుపంబులైన
మెదడు మిడమిడమన్మిడుకు బొమ్మలును
నవ్వెడి మోములు నలినంగకములు
విఱిగినవిండ్లును విటతాటమైన
వుఱియలతోనొప్పు బొమిడికంబులును; 
కరవాలకంకణకలితమై పడిన
కరములుఁ తుమురైన కాండకుంతములు; 
పఱియలైకూలిన పలకలు నాజిఁ
దఱచుగాఁ దెగిపడ్డ ధవళచామరలు; 
నాడాడకునుజింపులై దూరమెడలి
చూడనక్కజమైన జోడుపక్కెరలు; 
నెత్తురు నెఱచియు నెరి బొట్టకోలఁ 
గుత్తుక బంటిగాఁ గ్రోలు భూతములుఁ; 
గొడపంపుఁ గంకాళి ఘోరనాదముల
వెడయాట లాడెడు వేతాళములును; 
వలనొప్పు భూతేశువక్షంబు వోలె
లలితకపాలమాలాయుక్తమగుచు      190
సమధికదానఢ్య సరసంబెవోలె
కమనీయమార్గణఘనఘోషమగుచుఁ
గలగొన వైశాఖకాలంబె వోలె
నలినొప్పు బాణాసనధ్వస్తమగుచు
విహితమహారణ్యవిభవంబె వోలె
బహుఖగనాగసంప్రస్థితంబగుచు
సరభసనై దాఘసమయంబె వోలె
సురుచిరవాహినీశోణితంబగుచు
మహనీయవారాసిమధ్యంబె వోలె
సహజబాడబఘోషసౌరభ్యమగుచు
నలమి బీభత్సభయానకరౌద్ర
కలితమై యొప్పారి కలనొప్పెఁజూడ; 
దట్టించెనంత యాదవసేనఁదఱచు
నెట్టన నాచైద్యనృపుసేన విఱిగె. 
 మగధసేనలుఁగూలె మడిసెవైదర్భ