పోతన తెలుగు భాగవతము

ద్విపదభాగవతం - కల్యాణకాండ : బలరాముఁడు రుక్మిని విడిపించుట

• Print
• Email
• Share on FaceBook
• Share on Twitter

“తగువాఁడు వియ్యము ధరణీశసుతుఁడు
తగదిటుసేయ నితని వేగ విడువు”
మనిపల్కి బోధించి యతని విడిపిఁచి
మనసు క్లేశము మాన్పి మరి రుక్మి ననిపి
యారామఁ దోడ్కొని యనుజుండు దాను 
ద్వారవతికి నేఁగెఁ దాలకేతనుఁడు
పౌరులెదుర్కొని పట్టణంబెల్లఁ
గోరిసింగారింప గురుముహూర్తమున
రాముఁడు హరియుఁ బురప్రవేశంబుఁ
గామించి సేసిరి కడుసంతసమున. 
గురులచేత ననుజ్ఞఁ గొని శుభలగ్న
మరయించి పెండ్లికి నఖిల వస్తువులు
సమకూర్చి బాంధవసమితి రప్పించి