ద్విపదభాగవతం - మధురకాండ : శ్రీ కృష్ణుండు కంసుని పంపున నేతెంచిన రక్కసుల రూపడరించుట
అని పుచ్చుటయు దైత్యు లసమసాహసులు,
చనుదెంచి వారితో సమరంబు సేయ
నా రామకృష్ణులు నవ్వీరవరులఁ
దోరంబు గల వింటితునుకల నడచి - 90
మెఱసి కంసుని యింటి భృత్యుని బలునిఁ
బరిమార్చి యందఱిఁ బఱపి యాలోన
గమ్మన నాయుధాగారంబు వెడలి
యిమ్ములఁ బురలక్ష్మి నెలమిఁ జూచుచును
నొప్పార నందాదులున్న యయ్యెడకుఁ
దప్పకఁ జనిరంతఁ దపనుఁడుఁ గ్రుంకె.