ద్విపదభాగవత - జగదభిరక్షణ కాండ : బలరాముఁడు యమునను నాగలిచేనెత్తుట
“ఓ సూర్యకన్యక! ఓ లోకమాత!
ఓ సారసల్లాప! ఓ సారసాక్షి
నీరువెట్టుము లేక నిలువంగజాల
బోరన నుదకంబుఁ బోయవే!” అనుఁచుఁ
బలుమారు పిలిచినఁ బలుకక యున్నఁ
గలుషించి పరుషవాక్యముల నిట్లనియె.
“పిలిచిన నామాట పెడచెవిఁబెట్టి
పలుకవు మదిలోన భయమంది రావు!
మలినాంగి! నీమేని మదమెల్ల నడఁచి
దళనంబు సేసి యుద్ధతమాన్తు” ననుచు
నదలించి హలమున నమ్మహాతటము
విదళించి తివిసిన వెఱఁగొంది యమున - 120