పోతన తెలుగు భాగవతము

పోతన తెలుగు భాగవతము

షష్ఠ స్కంధః : షష్ఠోఽధ్యాయః - 6

6-6-1
శ్రీశుక ఉవాచ
తతః ప్రాచేతసోఽసిక్న్యామనునీతః స్వయంభువా .
షష్టిం సంజనయామాస దుహితౄః పితృవత్సలాః

6-6-2
దశ ధర్మాయ కాయేందోర్ద్విషట్త్రిణవ దత్తవాన్ .
భూతాంగిరఃకృశాశ్వేభ్యో ద్వే ద్వే తార్క్ష్యాయ చాపరాః

6-6-3
నామధేయాన్యమూషాం త్వం సాపత్యానాం చ మే శృణు .
యాసాం ప్రసూతిప్రసవైర్లోకా ఆపూరితాస్త్రయః

6-6-4
భానుర్లంబా కకుద్యామిర్విశ్వా సాధ్యా మరుత్వతీ .
వసుర్ముహూర్తా సంకల్పా ధర్మపత్న్యః సుతాఞ్శృణు

6-6-5
భానోస్తు దేవఋషభ ఇంద్రసేనస్తతో నృప .
విద్యోత ఆసీల్లంబాయాస్తతశ్చ స్తనయిత్నవః

6-6-6
కకుదః సంకటస్తస్య కీకటస్తనయో యతః .
భువో దుర్గాణి జామేయః స్వర్గో నందిస్తతోఽభవత్

6-6-7
విశ్వేదేవాస్తు విశ్వాయా అప్రజాంస్తాన్ ప్రచక్షతే .
సాధ్యోగణస్తు సాధ్యాయా అర్థసిద్ధిస్తు తత్సుతః

6-6-8
మరుత్వాంశ్చ జయంతశ్చ మరుత్వత్యాం బభూవతుః .
జయంతో వాసుదేవాంశ ఉపేంద్ర ఇతి యం విదుః

6-6-9
మౌహూర్తికా దేవగణా ముహూర్తాయాశ్చ జజ్ఞిరే .
యే వై ఫలం ప్రయచ్ఛంతి భూతానాం స్వస్వకాలజం

6-6-10
సంకల్పాయాశ్చ సంకల్పః కామః సంకల్పజః స్మృతః .
వసవోఽష్టౌ వసోః పుత్రాస్తేషాం నామాని మే శృణు

6-6-11
ద్రోణః ప్రాణో ధ్రువోఽర్కోఽగ్నిర్దోషో వసుర్విభావసుః .
ద్రోణస్యాభిమతేః పత్న్యా హర్షశోకభయాదయః

6-6-12
ప్రాణస్యోర్జస్వతీ భార్యా సహ ఆయుః పురోజవః .
ధ్రువస్య భార్యా ధరణిరసూత వివిధాః పురః

6-6-13
అర్కస్య వాసనా భార్యా పుత్రాస్తర్షాదయః స్మృతాః .
అగ్నేర్భార్యా వసోర్ధారా పుత్రా ద్రవిణకాదయః

6-6-14
స్కందశ్చ కృత్తికాపుత్రో యే విశాఖాదయస్తతః .
దోషస్య శర్వరీపుత్రః శిశుమారో హరేః కలా

6-6-15
వసోరాంగిరసీపుత్రో విశ్వకర్మా కృతీపతిః .
తతో మనుశ్చాక్షుషోఽభూద్విశ్వే సాధ్యా మనోః సుతాః

6-6-16
విభావసోరసూతోషా వ్యుష్టం రోచిషమాతపం .
పంచయామోఽథ భూతాని యేన జాగ్రతి కర్మసు

6-6-17
సరూపాసూత భూతస్య భార్యా రుద్రాంశ్చ కోటిశః .
రైవతోఽజో భవో భీమో వామ ఉగ్రో వృషాకపిః

6-6-18
అజైకపాదహిర్బుధ్న్యో బహురూపో మహానితి .
రుద్రస్య పార్షదాశ్చాన్యే ఘోరాః భూతవినాయకాః

6-6-19
ప్రజాపతేరంగిరసః స్వధా పత్నీ పితౄనథ .
అథర్వాంగిరసం వేదం పుత్రత్వే చాకరోత్సతీ

6-6-20
కృశాశ్వోఽర్చిషి భార్యాయాం ధూమ్రకేశమజీజనత్ .
ధిషణాయాం వేదశిరో దేవలం వయునం మనుం

6-6-21
తార్క్ష్యస్య వినతా కద్రూః పతంగీ యామినీతి చ .
పతంగ్యసూత పతగాన్ యామినీ శలభానథ

6-6-22
సుపర్ణాసూత గరుడం సాక్షాద్యజ్ఞేశవాహనం .
సూర్యసూతమనూరుం చ కద్రూర్నాగాననేకశః

6-6-23
కృత్తికాదీని నక్షత్రాణీందోః పత్న్యస్తు భారత .
దక్షశాపాత్సోఽనపత్యస్తాసు యక్ష్మగ్రహార్దితః

6-6-24
పునః ప్రసాద్య తం సోమః కలా లేభే క్షయే దితాః .
శృణు నామాని లోకానాం మాతౄణాం శంకరాణి చ

6-6-25
అథ కశ్యపపత్నీనాం యత్ప్రసూతమిదం జగత్ .
అదితిర్దితిర్దనుః కాష్ఠా అరిష్టా సురసా ఇలా

6-6-26
మునిః క్రోధవశా తామ్రా సురభిః సరమా తిమిః .
తిమేర్యాదోగణా ఆసన్ శ్వాపదాః సరమాసుతాః

6-6-27
సురభేర్మహిషా గావో యే చాన్యే ద్విశఫా నృప .
తామ్రాయాః శ్యేనగృధ్రాద్యా మునేరప్సరసాం గణాః

6-6-28
దందశూకాదయః సర్పా రాజన్ క్రోధవశాత్మజాః .
ఇలాయా భూరుహాః సర్వే యాతుధానాశ్చ సౌరసాః

6-6-29
అరిష్టాయాశ్చ గంధర్వాః కాష్ఠాయా ద్విశఫేతరాః .
సుతా దనోరేకషష్టిస్తేషాం ప్రాధానికాంఛ్రృణు

6-6-30
ద్విమూర్ధా శంబరోఽరిష్టో హయగ్రీవో విభావసుః .
అయోముఖః శంకుశిరాః స్వర్భానుః కపిలోఽరుణః

6-6-31
పులోమా వృషపర్వా చ ఏకచక్రోఽనుతాపనః .
ధూమ్రకేశో విరూపాక్షో విప్రచిత్తిశ్చ దుర్జయః

6-6-32
స్వర్భానోః సుప్రభాం కన్యామువాహ నముచిః కిల .
వృషపర్వణస్తు శర్మిష్ఠాం యయాతిర్నాహుషో బలీ

6-6-33
వైశ్వానరసుతా యాశ్చ చతస్రశ్చారుదర్శనాః .
ఉపదానవీ హయశిరా పులోమా కాలకా తథా

6-6-34
ఉపదానవీం హిరణ్యాక్షః క్రతుర్హయశిరాం నృప .
పులోమాం కాలకాం చ ద్వే వైశ్వానరసుతే తు కః

6-6-35
ఉపయేమేఽథ భగవాన్ కశ్యపో బ్రహ్మచోదితః .
పౌలోమాః కాలకేయాశ్చ దానవా యుద్ధశాలినః

6-6-36
తయోః షష్టిసహస్రాణి యజ్ఞఘ్నాంస్తే పితుః పితా .
జఘాన స్వర్గతో రాజన్నేక ఇంద్రప్రియంకరః

6-6-37
విప్రచిత్తిః సింహికాయాం శతం చైకమజీజనత్ .
రాహుజ్యేష్ఠం కేతుశతం గ్రహత్వం య ఉపాగతః

6-6-38
అథాతః శ్రూయతాం వంశో యోఽదితేరనుపూర్వశః .
యత్ర నారాయణో దేవః స్వాంశేనావాతరద్విభుః

6-6-39
వివస్వానర్యమా పూషా త్వష్టాథ సవితా భగః .
ధాతా విధాతా వరుణో మిత్రః శక్ర ఉరుక్రమః

6-6-40
వివస్వతః శ్రాద్ధదేవం సంజ్ఞాసూయత వై మనుం .
మిథునం చ మహాభాగా యమం దేవం యమీం తథా .
సైవ భూత్వాథ బడవా నాసత్యౌ సుషువే భువి

6-6-41
ఛాయా శనైశ్చరం లేభే సావర్ణిం చ మనుం తతః .
కన్యాం చ తపతీం యా వై వవ్రే సంవరణం పతిం

6-6-42
అర్యమ్ణో మాతృకా పత్నీ తయోశ్చర్షణయః సుతాః .
యత్ర వై మానుషీ జాతిర్బ్రహ్మణా చోపకల్పితా

6-6-43
పూషానపత్యః పిష్టాదో భగ్నదంతోఽభవత్పురా .
యోఽసౌ దక్షాయ కుపితం జహాస వివృతద్విజః

6-6-44
త్వష్టుర్దైత్యానుజా భార్యా రచనా నామ కన్యకా .
సన్నివేశస్తయోర్జజ్ఞే విశ్వరూపశ్చ వీర్యవాన్

6-6-45
తం వవ్రిరే సురగణా స్వస్రీయం ద్విషతామపి .
విమతేన పరిత్యక్తా గురుణాంగిరసేన యత్

6-6-46
ఇతి శ్రీమద్భాగవతే మహాపురాణే పారమహంస్యాం సంహితాయాం
షష్ఠస్కంధే షష్ఠోఽధ్యాయః