స్తుతులు స్తోత్రాలు : ధర్మజుని కృష్ణ స్తుతి (భక్తి ప్రదం)
ధర్మజుని కృష్ణ స్తుతి (భక్తి ప్రదం)
"కమలాక్ష! సర్వలోకములకు గురుఁడవై;
తేజరిల్లెడు భవదీయమూర్తి
యంశాంశసంభవు లగు లోకపాలురు;
నీ యాజ్ఞఁ దలమోచి నిఖిలభువన
పరిపాల నిపుణులై భాసిల్లుచున్న వా;
రట్టి నీ కొక నృపునాజ్ఞ సేయు
టరయ నీమాయ గాకది నిక్కమే? యేక;
మై యద్వితీయమై యవ్యయంబు
నైన నీ తేజమున కొక హాని గలదె?
చిన్మయాకార! నీ పాదసేవకులకు
నాత్మపరభేదబుద్ధి యెందైనఁ గలదె?
పుండరీకాక్ష! గోవింద! భువనరక్ష! "